ئه‌یلول 18, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دەزگەھێ خێرخوازيێ بارزانی دێ ھاریکاریان گەھینیته‌ زیانڤێکەفتیێن لەھیێن عیراقێ

دەزگەھێ خێرخوازيێ بارزانی دێ ھاریکاریان گەھینیته‌ زیانڤێکەفتیێن لەھیێن عیراقێ
ئەڤرۆ نیوز:

پشتی کو چەند رۆژێن بوری ژ ئەگەرێ بارانان، لەھی ل چەند باژێرێن عیراقێ دروست بوويی ژ وانان قەزا شەرگات ل سنوورێ پارێزگەھا سەلاحەدین، د ئەنجام دا 12 کەسان گیانێ خوە ژ دەست دا و نێزیکێ سێ ھزار مالان بن ئاڤ بوويی، دەزگەھێ خێرخوازی يێ بارزانی دێ کاروانەکێ ھاریکاریان گەھینیتە زیانڤێکەفتیێن قەزا شەرگات.

موسا ئەحمەد، سەرۆکێ دەزگەھێ خێرخوازیێ بارزانی، دیارکر کو ژبلی زیانێن گیانی ھەڤدەم زیانێن ماددی ژی ل پەيی لەھیێن عیراقێ دروستبوویە و بۆ ئەڤرۆ نیوز گۆت: (بڕیار بوو ئەڤرۆ کاروانه‌كێ ھەڤکاریێن بارزانی گەھشتبانە شەرگات، بەلێ ژ ئەگەرێ بارانێن بەردەوام و تێکچوونا رەوشا کەش و ھەوای ھەتا نوکە نەشیاینە ھاریکاریان بگەھینینە شەرگات).

زێدەتر گۆت: (ئەو ھاریکاریێن کو ھاتینە بەرھەڤکرن، ھەموو ئەو جورە ھاریکاری بوون یێن کو خەلکێ شەرگات ب رێیا قایمقامیا شەرگات داخوازکری، ھاریکاریێن ئەڤرۆ ژی پێکدھێن ژ کەلوپەلێن خوارن و ڤەخوارن و ناڤمالێ و جلوبەرگ و چەندین کەلوپەلێن دن یێن بلەز، کاروانێ ھاریکاریا دەزگەھێ بارزانی د دەمەکێ دایە کو خەلکێ شەرگات داخوازی ل سەروک بارزانی دکر کو ھاریکاریا وان بکەن، ژبەرڤێ دەزگەھێ بارزانی ب فەرزانی کو ھاریکاریا خەلکێ شەرگات و دەڤەرێن دن بکەت، ئەم چاڤەرێ باشتربونا کەش و ھەوایی و پەیوەندیا قایمقامەتیا شەرگات دکەین ھەتاکو ئەو دبێژن مە).

ھاریکاریێن دەزگەھێ بارزانی پێکدھێن ژ پێنج لوریێن مەزن یێن کەلوپەلێن ھەمەجور کو دبیتە نێزیکێ 150 تەنێن کەلوپەلان.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.