تشرینی یه‌كه‌م 17, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئەنجوومەنێ وەزیران چەند بريارێن گرنگ دەركرن

ئەنجوومەنێ وەزیران چەند بريارێن گرنگ دەركرن

باسنيوز:

ئەمڕۆ چوارشەممە ئەنجوومەنی وەزیرانی هەرێمی کوردستان بە سەرۆکایەتی مەسرور بارزانی سەرۆکی ئەنجوومەنی وەزیران و ئامادەبوونی قوباد تاڵەبانی جێگری سەرۆک وەزیران کۆبووەوە و چەند بڕیارێكی گرنگی دەركرد.

ئەنجوومەنی وەزیران لە كۆبوونەوەی ئەمڕۆ بڕیاری دا كە فەرمانبەران دەبێ پیشەییانە مامەڵە لەگەڵ نووسراو و بەڵگەنامە فەرمییەکان بکەن. هەروەها قەرز و پابەندە داراییەکانی ئەستۆی حکومەتی هەرێمی کوردستان تاوتوێ کرا. لە كۆبوونەوەكەدا هەروەها داوای زانیاری وردتر کرا بۆ کۆبوونەوەی داهاتوو لەسەر یەکەمەکانی زانکۆ و پەیمانگا حکومییەکانی هەرێمی كوردستان.

بە پێی راگەیاندراوی فەرمیی سەرۆكایەتی ئەنجوومەنی وەزیران، لە سەرەتای کۆبوونەوەکەی ئەمڕۆدا جەخت کرایەوە لەسەر ئەوەی فەرمانبەران دەبێ پابەندی پاراستنی نووسراو و بەڵگەنامە فەرمییەکان بن و نابێت فەرمانبەران لە دەرەوەی مەبەستی وەزیفی بۆ بەرژەوەندی خۆیان یان کەسانی دیکە، مامەڵەیان پێبکەن، یان لە ئینتەرنێت و سۆشیال میدیا بڵاوی بکەنەوە، ئەمەش لە مادەی (5)ی یاسای بەرزەفتکردنی فەرمانبەرانی دەوڵەت و کەرتی گشتیی ژمارە (14)ی ساڵی 1991 هەموارکراودا وەک ئەرکێکی فەرمانبەرایەتی هاتووە.

بڕگەی دووەمی کۆبوونەوەکەش خستنەڕووی قەرز و پابەندە داراییەکانی ئەستۆی حکومەتی هەرێمی کوردستان بوو، کە د.ئامانج رەحیم سکرتێری ئەنجوومەنی وەزیران راپۆرتێکی وردی پڕ زانیاری و داتای پێشکەش کرد و لەلایەن ئەنجوومەنی وەزیرانەوە گفتوگۆی پێویستی لەبارەوە کرا.

ئەنجوومەنی وەزیران سوپاسی سکرتێری ئەنجوومەنی کرد بۆ ئەرک و ماندووبوونی لە ئامادەکردنی راپۆرتەكەدا، کە گفتوگۆ دەربارەی چۆنیەتی بەڕێوەبردنی ئەو قەرزانە و میکانیزمی پاکتاوکردنیان کرا کە هەندێک لەو قەرزانە دەکەوێتە ئەستۆی حکومەتی فیدراڵی و لە چوارچێوەی گفتوگۆ و دانوستانی نێوان هەردوولا یەکلا دەکرێنەوە.

ئەنجوومەنی وەزیران هەروەها گفتوگۆی لە بارەی پێشنیاری وەزارەتی خوێندنی باڵا و توێژینەوەی زانستی کرد بۆ دامەزراندنی سێ یەکەمەکانی گشت زانکۆ حکومیەکانی سەر بە وەزارەت بۆ ساڵی خوێندنی 2015-2016.

لەمبارەیەوە ئەنجوومەنی وەزیران هەردوو وەزیری دارایی و ئابووری و خوێندنی باڵا و توێژینەوەی زانستی راسپارد کە بۆ کۆبوونەوەی داهاتووی ئەنجوومەنی وەزیران بەخشتەیەک پۆلێنکردنی یەکەمەکان بە پێی پسپۆڕی و پێویستی ئامادە بکەن بۆ ئەوەی بڕیاری کۆتاییان لەبارەوە بدرێت.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.