ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

كرمێن ساخ ژ چاڤ وئه‌ندامێن له‌شێ‌ ژنه‌كێ‌ ده‌ردكه‌ڤن

كرمێن ساخ ژ چاڤ وئه‌ندامێن له‌شێ‌ ژنه‌كێ‌ ده‌ردكه‌ڤن

ئه‌ڤرۆ نيوز:

نوشداره‌كێ‌ ساخله‌میا زاخۆ دیاركركو كرمێن ساخ ژ چاڤ و له‌شێ‌ ژنه‌كێ‌ ده‌ردكه‌ڤن ئه‌و كرم دساخن نوكه‌ ڤه‌كۆلین ل سه‌ر ڤێ‌ حاله‌تێ‌ نه‌خۆشی دهێته‌ كرن”.

د. قه‌یس عوبه‌ید، تایبه‌تمه‌ندێ‌ نه‌خۆشیێن خوینێ‌ ل ساخله‌میا زاخۆ راگه‌هاند كو ئه‌ڤه‌ ئێكه‌مین حاله‌ته‌ ئه‌م دبینن كرمێن ساخ ژ چاڤ وله‌شێ‌ مرۆڤی ده‌ركه‌ڤن كو ئه‌ڤه‌ هه‌یڤه‌كه‌ ژنه‌ك قه‌ستا مه‌ دكه‌ت بۆ وه‌رگرتنا چاره‌سه‌ریێ‌ نوكه‌ ئه‌م یێ‌ ڤه‌كۆلینی ل سه‌ر ڤی حاله‌تی دكه‌ین كا ئه‌گه‌رێن دروست یێن چێبوونا ڤان كرمێن ساخ دناڤ له‌شێ‌ مرۆڤێدا چنه‌ كو ئه‌ڤه‌ 26 سالن ئه‌ز وه‌كو نوشدار خزمه‌تێ‌ دكه‌م ئه‌ڤه‌ ئێكه‌مین حاله‌ته‌ ئه‌ز دبینم”.

د. قه‌یس عوبه‌ید ، ئاشكه‌را كركو دووڤ ئاخڤتنا ژنێ‌ ئه‌ڤه‌ چه‌ند سالن ئه‌ڤ حاله‌ت ل ده‌ڤ په‌ێدابوویه‌ كو كرمێن ساخ ژ چاڤ ولاشی وێ‌ ده‌ردكه‌ڤن هیشتا دروستاهێ‌ دیارنینه‌ ئه‌ڤ كرم ژ چ چیدبن هنده‌ك كرم ژ چاڤ وئه‌ندامێن لاشی نه‌خۆشی ده‌ردكه‌ڤن هه‌تا ژی هنده‌ك جاران خوین دگه‌لدا دهێت “.

ناڤهاتی ئه‌وژی خۆیا كركو ئه‌م به‌رده‌وام پشكنین ودوڤچوونێ‌ ل سه‌ر ڤی حاله‌تی دكه‌ین مه‌ پسیار ژ گه‌له‌ك نوشداران كریه‌ راستی ژی هیشتا چوو ئه‌نجامێن وه‌سا ده‌ست مه‌ نه‌كه‌ڤتینه‌ ئه‌ڤ كرم ژ چ دروست بن ئه‌م هه‌موو هه‌ولا ده‌ن ئه‌ڤ نه‌خۆش بهێته‌ چاره‌سه‌ركرن یان بهێته‌ نڤاندن ناڤ نه‌خۆشخانێ‌ دا بۆ ده‌مێ‌ هه‌یڤه‌كێ‌ داكو دوڤچوونا ل سه‌ر ڤێ‌ حاله‌تی بهێته‌ كرن ونوشدار دیتنا خۆ ل سه‌ر بده‌ن داكو تشته‌ك ژ ره‌وشا نه‌خۆشی دیاربیت وخزمه‌تا نه‌خۆشی بهێته‌ كرن”.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi