ئه‌یلول 23, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئه‌و چ تشتن دڤێت تو بكه‌ى به‌رى بچیه‌ ده‌ڤ نۆشدارى و چ تشتن دڤێت نه‌كه‌ى؟

ئه‌و چ تشتن دڤێت تو بكه‌ى به‌رى بچیه‌ ده‌ڤ نۆشدارى و چ تشتن دڤێت نه‌كه‌ى؟
نوش نیوز:

گه‌له‌ك ژ خه‌لكه‌ ده‌مێ د وه‌ستیێن یان ده‌مێ هه‌ست ب ئێشانه‌كێ دكه‌ن دێ چنه‌ نۆشدارى، به‌لێ نزانن كا چ پێدڤیه‌ بكه‌ن به‌رى قه‌ستا نۆشدارى بكه‌ن یان چ تشت پێدڤیه‌ نه‌كه‌ن، ل ڤێرێ ئه‌م دێ ئاماژێ ب چه‌ند ژوان خالان كه‌ین:
ئه‌ڤان تشتا بكه‌ به‌رى تو بچیه‌ لایێ نۆشدارى:
ئاڤ:
ژ تشتێن گه‌له‌ك گرنگ بكه‌ى به‌رى بچیه‌ لایێ نۆشدارى ئه‌وه‌ كو تیر ئاڤێ ڤه‌خوى به‌رى پشكنینان ئه‌نجام بده‌ى، چونكو ئاڤ فشارا خوینێ و لێدانێن دلى رێك دئێخیت و له‌شى ژ ژه‌هران و هشكبوونێ د پارێزیت.
هه‌روه‌سا به‌رى ئه‌نجامدانا پشكنینا میزێ پێدڤیه‌ ئاڤێ ب شێوه‌كێ سرۆشتى ڤه‌خووى داكو ئه‌نجام دروست بده‌ركه‌ڤن.
خوارن:
ده‌مێ تو دچیه‌ ده‌ڤ نوشدارى بو ئه‌نجامدانا پشكنینان، پێدڤیه‌ خوارنا ته‌ یا نوۆمال و سروشتى بیت یاكو رۆژانه‌ تو دخۆى، نه‌چه‌ ده‌ڤ نۆشدارى تو یێ برسى بى داكو ئه‌نجام دروست ده‌ركه‌ڤن.
پرسیار:
مرۆڤ ده‌مێ دچنه‌ لایێ نۆشدارى بو ئه‌نجامدانا پشكنینان هه‌ست ب ئالوزى و نیگه‌رانیێ دكه‌ن، ژبه‌ر ترسێ ژ ئه‌نجامێ پشكنینان، ئه‌ڤ چه‌نده‌ دبیته‌ ئه‌گه‌ر نه‌خۆش ژبیربكه‌ت كا دێ چ پرسیاران ژ نۆشدارى كه‌ت، یانژى كا نۆشدارى چ ئاموژگارى بو وى هه‌نه‌ كو ل دووڤ بچیت ژ پێخه‌مه‌ت سلامه‌تیا خوه‌، له‌ورا یا پێدڤیه‌ هه‌ر پرسیاره‌كا ته‌ هه‌بیت به‌رى بچیه‌ نۆشدارى ل ده‌ڤ خوه‌ بنڤیسى و ئاراسته‌ى نۆشدارى بكه‌ى.
ئه‌و تشتێن پێدڤیه‌ نه‌كه‌ى به‌رى بچیه‌ نۆشدارى:
قه‌هوه‌:
پێدڤیه‌ به‌رى گرتنا فشارا خوینێ قه‌هوێ نه‌ڤه‌خوى، چونكو قه‌هوه‌ ژ وان ڤه‌خوارنانه‌ یێن كارتێكرنێ ل له‌شى دكه‌ن، له‌ورا داكو فشارا خوینێ ل ده‌ڤ ته‌ دروست بخوینیت، به‌رى پیڤانا وێ قه‌هوێ نه‌ڤه‌خوو، داكو نۆشدار ژى ده‌رمان و چاره‌سه‌ریا دروست بده‌ته‌ته‌.
خوارنێن چه‌ورى:
به‌رى پشكنینێن خوینێ بكه‌ى، ئه‌م شیره‌تان ل ته‌ دكه‌ین خوارنێن پرى روین و چه‌ور نه‌خوو، چونكو گه‌له‌ك روین و شه‌كر دناڤدا هه‌نه‌ و رێژا كولیسترولى دناڤ خوینێ دا زێده‌دكه‌ن، له‌ورا ب كێماتى ب هه‌شت ده‌مژمێرا به‌رى ئه‌نجامدانا پشكنینان وان خوارنا نه‌خوو.
ده‌رمان:
چو ده‌رمانان نه‌خوو به‌رى بچیه‌ ده‌ڤ نۆشدارى، ب تایبه‌ت ده‌رمانێن په‌رسیڤى و ئه‌نفلاوه‌نزایێ، چونكو ئه‌و ده‌رمان فشارا خوینێ بلند دكه‌ن و بو نۆشدارى ب زه‌حمه‌ت دكه‌ڤیت ده‌رمانێن دروست ل دووڤ ره‌وشا ته‌ یا ساخله‌میێ بۆ ته‌ بنڤیسیت.
سالونێن جوانكاریێ:
نابیت بچیه‌ سالونێن جوانكاریێ به‌رى بچیه‌ لایێ نۆشدارێ پیستى، چونكو نه‌خۆشیێن پیستى ل هه‌موو له‌شى ده‌ردكه‌ڤن و هه‌تا ل نینوكان ژى په‌یدادبن، له‌ورا بۆیاغا نینوكان شوونوارێن نه‌خۆشیێ به‌رزه‌دكه‌ت و نۆشدار تێبینیا وێ چه‌ندێ ناكه‌ت، هه‌روه‌سا مكیا ى نه‌دانه‌ بو دێمێ خوه‌، چونكو مكیاژى زه‌راتى و پێتیبوونا دێمى به‌رزه‌ دكه‌ت.
كافایین:
ئه‌و ڤه‌خوارنێن كافایین تێدا نه‌ڤه‌خوو به‌رى بچیه‌ ده‌ڤ نۆشدارى، چونكو هه‌ر پشكنینه‌كا بو دلى بهێته‌ كرن وه‌كو وه‌ستیانا دلى و رێڤه‌چوونێ یان غاردانێ دێ ئه‌نجامێن وێ د شێلى بن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.