تشرینی دووه‌م 14, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

تو دزانی هه‌تا كیلویه‌كێ‌ كێم دكه‌ی دڤێت چه‌ند كالوریان ب سۆژی؟

تو دزانی هه‌تا كیلویه‌كێ‌ كێم دكه‌ی دڤێت چه‌ند كالوریان ب سۆژی؟
نۆش نیوز:

هه‌ر گرامه‌كێ پرۆتین و كاربوهیدرا ژ چار كالوریا پێك دهێت، به‌لێ گرامه‌كێ روینا ژ نه‌هـ كالوریا پێك دهێت.

زاراڤێ كالوری ناڤ و دەنگترین زاراڤه‌یه‌ د زانستێ خوارنێ دا و یێ زانایه‌ ل ده‌ڤ كه‌سێن ریجێمێ دكه‌ن.

كالوری نه‌ ب تنێ دگرنگن بو كه‌سێن دڤێت زەعیف ببن، به‌لكو بو ژیانا مرۆڤی ژی دگرنگن، به‌لێ ته‌ چه‌ند كالوری دڤێت بسوژی هەتا تو كیلویه‌كێ ژ سه‌نگێ خوە كێم دكه‌ی؟
روژانه‌ ب رێكا خوارن و ڤه‌خوارنێ له‌شێ مه‌ كالوریان وه‌ردگریت و بێی وان شانه‌یێن له‌شی ب دروستی ب كارێ خوه‌ رانابن، له‌ورا وه‌رگرتنا پێدڤیا له‌شی ژ كالوریان تشته‌كێ گرنگه‌ بو به‌رده‌وامیا ژیانا هه‌موو زینده‌وه‌ران نه‌ بتنێ مرۆڤان.

كالوری، زاراڤەكێ فیزیاوی یه‌ دهێته‌ پێناسه‌كرن ب چه‌نداتیا هێزا پێدڤی بو بلندكرنا پلا گه‌رماتیا گرامه‌كی دئاڤێ دا (سلسیوس)ه‌كی بتنێ، و هێمایێ cal دگەل پیتا C یا بچووك بو دهێته‌ دانان.

كالوریا مه‌زن
د وارێ خوراكیێ دا كیلو كالۆری دهێته‌ ب كارئینان و دیسا دبێژنێ كالوریا مه‌زن، ئه‌و یه‌كسانه‌یه‌ بو هزار كالوریان و هێمایێ cal دگه‌ل نڤیسینا پیتا K یا مه‌زن ئانكو (Kcal) دهێته‌ نیاسین و نڤیسین.

له‌ورا هه‌كه‌ تو لسه‌ر به‌رهه‌مه‌كی دبینی یا نڤێسای بو نموونه‌ یه‌كسانی چل كالوریانه‌، ئانكو رامانا وێ ئه‌وه‌ چل كالوریێن مه‌زنن یان كیلو كالوری.

ل هنده‌ك وه‌لاتان یه‌كه‌یا كول دهێته‌ ب كارئینان رامانا وێژی كیلوكوله‌، ئانكو هزار كۆل.

هه‌كه‌ مرۆڤی ل دووڤ پێدڤیا له‌شێ خوه‌ وه‌رگرتن بو چالاكیێن رۆژانه‌ وه‌كو كاركرنێ و رێڤه‌چوونێ، ل وی ده‌می سه‌نگێ مرۆڤی دێ وه‌كو خوه‌ مینیت و ناهێته‌ گۆهارتن، به‌لێ هه‌كه‌ پتر ژ پێدڤیێ وه‌رگرتن دێ ب شێوێ به‌زی هێنە ئومباركرن و هه‌كه‌ كێمتر وه‌رگرتن دێ ژ له‌شی هێنه‌ كێمكرن.

هه‌ر گرامه‌كێ پروتین و كاربوهیدرا ژ چار كالوریان پێك دهێت، به‌لێ گرامه‌كێ روینا نه‌هـ كالوری دناڤدا هه‌نه‌ ئانكو ژ پێدڤیا له‌شی پتر، له‌ورا ئه‌و كه‌سێن دڤێن سه‌نگێ خوه‌ كێم بكه‌ن پێدڤیه‌ د هشیاربن ژ خوارنا خوه‌ و ب تایبه‌ت روینی.

به‌رامبه‌ر كیلوگرامان
هه‌كه‌ ته‌ بڤێت كیلویه‌كێ ژ سه‌نگێ خوه‌ كێم بكه‌ی پێدڤیه‌ دۆرێن 7700 كالوریان ب سۆژی، ئه‌ڤه‌ رامانا وێ چه‌ندێ دده‌ت كو پێدڤیه‌ هێزێ كێمتر ژ یا له‌شێ ته‌ پێدڤی پێ هه‌ی دابین بكه‌ی، داكو له‌ش یا جودا بسۆژیت و زه‌عیف ببی.

هەروه‌سا پێدڤیه‌ تو یێ هشیاربی كو كریارا كێمكرنا سه‌نگی دڤێت یا هێدی هێدی بیت، ئانكو ژ نیڤ كیلویێ هه‌تا كیلویه‌كێ حه‌فتیانه‌ كێم بكه‌ی، چونكو له‌شی شیان نینن گه‌له‌ك روینا ددەمه‌ك كێم دا بسۆژیت.

له‌ورا هه‌كه‌ ته‌ ریجێمه‌كا دژوار كر تو دێ زوو سه‌نگێ خوه‌ كێم كه‌ی، به‌لێ دێ ژ ره‌هـ و زه‌ڤله‌كان بیت و د ئه‌نجامدا دێ له‌شێ ته‌ بێ هێزبیت و دێ شوربیت و ل پاشه‌رۆژێ دێ ب ساناهی قه‌له‌و بی یه‌ڤه‌، چونكو زه‌ڤله‌كێن له‌شی رادبن ب سۆتنا هژماره‌كا مه‌زن یا كالوریان هه‌تا هه‌كه‌ تو د بێهنڤه‌دانێ دا ژی بی.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.