ئه‌یلول 23, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بۆچی خه‌لك ل داوه‌ت و بیره‌وه‌ریان پتر خوارنێ‌ دخوت؟

بۆچی خه‌لك ل داوه‌ت و بیره‌وه‌ریان پتر خوارنێ‌ دخوت؟
نۆش نیوز:
ئه‌رێ‌ چ رێك هه‌یه‌ بۆ به‌رهنگاریا خوارنێن خوش ل سه‌ر سفره‌یا خوارنێ‌ و بێهنا كێكێن ب شوكولاته‌ ئه‌وێن ل شریناهیان دهێنه‌ ئاماده‌كرن، ئه‌رێ‌ دێ‌ مه‌ شیان هه‌بن خوه‌ ژێ‌ ب پارێزین داكو سه‌نگێ‌ مه‌ زێده‌نه‌بیت؟
دبیت ب ره‌نگه‌كێ‌ ریژه‌یی یا ب ساناهی بۆ مه‌ هه‌میان ل دووڤ هنده‌ك بنه‌مایێن خوارنا ساخله‌م بچین و زێره‌ڤانیا سه‌نگێ‌ خوه‌ بكه‌ین، ب تایبه‌ت هه‌كه‌ ئه‌م ل مالێن خوه‌ بین، دێ‌ مه‌ شیان هه‌بن كونترۆلا تشتێ‌ د سه‌لاجێ‌ دا بكه‌ین و گه‌له‌ك یا سروشتی یه‌ ئه‌م شریناهیان نه‌كرین بۆ نموونه‌ هه‌كه‌ مه‌ بڤێت قه‌له‌و نه‌بین، دیسان یا سروشتی یه‌ ژی كو لێنانگه‌ها مه‌ به‌رهه‌مێن ساخله‌م تێدا هه‌بن كو هاریكاریا مه‌ بكه‌ن بۆ ئاماده‌كرنا دانێن هه‌ڤسه‌نگ و سڤك و كێم یه‌كه‌یێن گه‌رماتیێ‌ تێدا هه‌بن، به‌لێ‌ ئه‌ڤ ره‌وشه‌ دێ‌ هێته‌ گوهارتن ده‌مێ‌ كو ل جهه‌كی مه‌ چو ده‌سته‌لات ل سه‌ر نه‌بیت و هه‌موو جورێن خوارنێ‌ و شریناهیان لێ‌ بهێنه‌ ئاماده‌كرن و به‌رێ‌ مه‌ بكه‌ڤیته‌ خوارنێ‌ و ب راستی ژی راكێشانا حه‌زا مرۆڤی بۆ خوارنێ‌ گه‌له‌ك رێك یێ، هه‌ین و یا ب زه‌حمه‌ته‌ ئه‌م بشێین خوه‌ ژ خوارنه‌كێ‌ ب پارێزین هه‌كه‌ ب ده‌ستێن هنده‌ك ته‌باخچیێن شاره‌زا بهێته‌ دروستكرن و ئه‌م نه‌شێین هێزا خوه‌ ب پارێزین و وێ‌ خوارنێ‌ نه‌خوین، شاره‌زایێن به‌رهنگاریا قه‌له‌ویێ‌ هنده‌ك شیره‌ت و ستراتیژیان پێشكێشی مه‌ دكه‌ن كو هاریكارن بۆ وێ‌ چه‌ندێ‌ ئه‌م بشێین كونترولا خوه‌ بكه‌ین داكو خوارن نه‌بیته‌ فاكته‌ره‌ك بۆ قه‌له‌ویێ‌ ژوان رێیان ژی:
1- بازاركرن دناڤ سه‌نته‌رێن بازرگانی دا: هنده‌ك ده‌لیڤه‌یان دا، ب تایبه‌ت به‌ری جه‌ژنان ئه‌م نه‌چاردبین كو گه‌له‌ك ده‌مژمێران دناڤ سه‌نته‌رێن بازرگانی دا بمینین داكو دیاری و پێدڤیێن خوه‌ بكرین، پشتی بۆرینا ده‌مه‌كی ئه‌م هه‌ست ب برسیبوونێ‌ دكه‌ین، بێی ده‌ستێ‌ مرۆڤی، مرۆڤ نه‌چاره‌ قه‌ستا خوارنگه‌هه‌كێ‌ یان كافتریایه‌كێ‌ بكه‌ت كو دناڤ یان نێزیكی وی جهی بیت و ل وێرێ‌ دێ‌ دوژمنێن به‌ژن زراڤیا مه‌ ل پێش چاڤێن مه‌ كه‌ڤن، بۆ نموونه‌ ره‌نگه‌ بیتزایه‌ك ییا پێكهاتی بیت ژ 850 كالوریان و 34 گرامێن روینی، یان پسكێته‌ك هه‌بیت یا باشتر بیت كو 280 یه‌كه‌یێن گه‌رماتیێ‌ دناڤدا هه‌بن، به‌لێ‌ هه‌ر ئه‌و رێژا روینی دناڤدا بیت ئه‌وا دناڤ دو رانكێن مریشكێن قه‌لاندی دا هه‌ین، و مرۆڤ نه‌چاره‌ تشته‌كی بخووت دا برسا مرۆڤی بشكێت، ل وی ده‌می دێ‌ باشتر بیت مرۆڤ بسكێتێن سیركری بخوت كو پێكهاتینه‌ ژ 340 یه‌كه‌یێن گه‌رماتیێ‌ و 5 گرامێن روینی، به‌لێ‌ ب راستی نه‌خوارنه‌كا پله‌ ئێكه‌.
ستراتیژیێن دروست ل هه‌مبه‌ر ڤێ‌ ره‌فتارێ‌ دهێنه‌ دانان پێكهاتینه‌ كو مرۆڤ زوو بچیته‌ بازاری: باشترین تشت كو تو ل بازاری برسی نه‌بی ئه‌وه‌ زوو قه‌ستا بازاری بكه‌ی، یان سپێدێ‌ زوو ده‌مێ‌ ژنوو دهێته‌ ڤه‌كرن، ئه‌ڤه‌ نه‌ ب تنێ‌ دێ‌ مرۆڤی ژ قه‌ره‌بالغا بازاری دوور كه‌ت، به‌لكو ناهێڵایت مرۆڤ ببیته‌ قوربانیێ‌ خوارنا بیتزایه‌كێ‌ ل بازاری و مسوگه‌ر هه‌تا ده‌مژمێر 10 سپێدێ‌ بێهنا بیتزا و خوارنان گه‌له‌ك ب سه‌ر بازاری دا نافریت و دلێ‌ مرۆڤی ناچیتێ‌، ل وان ده‌مان ژی دێ‌ هێشتا باشتر بیت مرۆڤ تێشته‌كا باش بخوت به‌ری بچیته‌ بازاری، ئه‌ڤجا چ ئه‌و خوارن فێٌی بیت یان پارچه‌كا نانی ل گه‌ل په‌نیری بیت، به‌ری بچیته‌ بازاری داكو هه‌ست ب برسیبوونێ‌ نه‌كه‌ت.
گه‌له‌ك یا سروشتی یه‌ ده‌مێ‌ مرۆڤ ل بازاری دگه‌ریت و دوه‌ستیێت دێ‌ قه‌ستا نێزیكترین جهێ‌ فرۆتنا شریناهیا كه‌ت بۆ خوارنا كێكه‌كێ‌ یان پسكێته‌كێ‌، ب راستی ل وی ده‌می ب تنێ‌ مرۆڤی پێدڤی ب بێهنڤه‌دانێ‌ هه‌یه‌، پروفیسوره‌ مادلین فیرنسترۆم، رێڤه‌به‌را سه‌نته‌رێ‌ كونترولكرنا سه‌نگی ل زانكۆیا بیتسبۆرك یا ئه‌مریكی دبێژیت: گه‌له‌ك یا خه‌له‌ته‌ ئه‌م شریناهیان بۆ خوه‌ بكه‌ینه‌ دیاری ژبه‌ركو ئه‌م یێن وه‌ستیاین، چونكو ئه‌و ساخله‌میا مه‌ تێك دده‌ن و سه‌نگێ‌ مه‌ زێده‌ دكه‌ن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.