شوبات 06, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

زانايه‌ك شرۆڤه‌يه‌كێ دده‌ته‌ ره‌فتارا برێڤه‌چوونا بازنه‌يى يا كه‌ره‌كێ په‌زى بۆ 19 رۆژان ل دويڤ ئێك

زانايه‌ك شرۆڤه‌يه‌كێ دده‌ته‌ ره‌فتارا برێڤه‌چوونا بازنه‌يى يا كه‌ره‌كێ په‌زى بۆ 19 رۆژان ل دويڤ ئێك
گاڤ نيوز

ئێك ژ زانايان شرۆڤه‌كرنه‌ك دا ديارده‌‌يا سه‌ير يا برێڤه‌چوونا كه‌ره‌كێ په‌زى ب شێوه‌يه‌كێ بازنه‌يى بۆ ده‌مێ 19 رۆژان ل دويڤ ئێك و ب به‌رده‌وامى ل بيستانه‌كێ ل باكۆرێ چينێ.

هه‌ر ژ رۆژا 4ى ڤێ هه‌يڤێ و تا نوكه‌ كه‌ره‌كێ په‌زى ل ده‌ڤه‌را مه‌نگۆليا يا ناڤخۆ ل باكۆرێ چينێ ل بيستانه‌كێ ب شێوه‌يه‌كێ بازنه‌يى و به‌رده‌وام برێڤه‌دچن و ناراوه‌ستن و هنده‌ك په‌زێن دى د نيڤا بازنه‌يێ دا دراوه‌ستياينه‌ و ئه‌ڤ چه‌نده‌ بوويه‌ جهێ سه‌رسۆرمانێ ل جيهانێ هه‌ميێ.

مات بێل مامۆستا ل پشكا چاندنێ ل زانكۆيا هارتبۆرى ل ئنگلترا ل دۆر ڤێ ديارده‌يێ ئاشكرا كر؛ ره‌نگه‌ ئه‌و كه‌رێ په‌زى بۆ ده‌مه‌كێ درێژ دناڤ وى بيستانێ دا مابن و ره‌نگه‌ ئه‌ڤ چه‌نده‌ بوويه‌ ئه‌گه‌رێ ره‌فتارا دوباره‌كرنێ ب رێكا زڤڕينا به‌رده‌وام ژ به‌ر نه‌رازيبوونا وان ل سه‌ر مانا د بيستانه‌كێ به‌رته‌نگ دا بۆ ده‌مه‌كێ درێژ.

ل دۆر چوونا هنده‌ك په‌زێن دى بۆ دناڤ وى كه‌رێ په‌زى دا دياركر؛ چونكى سرۆشتێ كه‌رێ په‌زى يێ هۆسايه‌ كو چاڤ ل ئێكودو دكه‌ن.

ل گۆره‌ى كه‌ته‌لۆگا مێرگ يا ڤێتێرنه‌رى؛ ئه‌قلێ كه‌رێ په‌زى ل سه‌ر ره‌فتارا جڤاكى يا په‌زان يا زاله‌ و ئه‌ڤ چه‌نده‌ كونترۆلێ ل سه‌ر لڤينێن گيانه‌وه‌ران دكه‌ت و وان گيانه‌وه‌ران ژ گيانه‌وه‌رێن دڕنده‌ دپارێزيت ئه‌و ژى ب رێكا په‌نابرنێ بۆ كۆمێ.

تا نوكه‌ ديار نه‌بوويه‌ كا ئه‌و كه‌رێ په‌زى يێ به‌رده‌وام ب شێوه‌يه‌كێ بازنه‌يى دزڤڕيت ژ خوارن و ڤه‌خوارنێ راوه‌ستياينه‌ يان نه‌.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi