مەزنترین بەکتیریا هاتە ئاشکراکرن
گاڤ نیوز
زانیان جورەکێ نوی یێ بەکتیریا ئاشکرا کر و کو قابارەیێ وان هندی مژیلانکێن مرۆڤایە و ب چاڤ دهێنە دیتن.
ئاشکراکرنا ڤی جۆرێ بەکتیریا د رۆژنامەیا ساینس دا هاتە بەلاڤکرن و جان ماری فۆلاند، زانایا بایۆلۆجی یا دەریایی راگەهاند؛ بەکتیریا نوی ب ناڤێ تیۆمارگاریتا ماگنیفیکا مەزنترین بەکرتیریایە هاتیە ئاشکراکرن و قەبارەیێ وێ دگەهیتە 9000 مایکۆرمیتەران کو دبیتە ئێک سەنتیمەتر.
قەبارەیێ ئاسایی یێ بەکتیریان 2 مایکرۆمیتەرن و ژ هەمیان مەزنتر پێشتر هاتبیتە دیتن 750 مایکرۆمیتەرە، لێ بەکتیریا نوی 9000 مایکرۆمیتەرە و مرۆڤ دشێن بێی بکارئینان مایکرۆسکۆپێ ب بینن.
جان ماری فۆلاند دیار ژی کر کو ئەڤ جۆرێ بەکتیریا نوی شیان هەنە هەتا 2 سەنتیمەتران ژی درێژ ببن و قەبارەیێ ڤی جۆرێ مەزن یێ بەکتیریا ل هەمبەری جۆرێن دی، هەروەکو مرۆڤەک ب درێژیا چیایێ ئێڤرست بیت ل هەمبەری مرۆڤێن ئاسایی.
