گێنس ناڤ و ژیێ دانعەمرترین مرۆڤ ل جیهانێ ئاشکرا کر
گاڤ نیوز
پرتووکا گێنس یا ژمارەیێن پیڤایی ناڤ و ژیێ دانعەمرترین مرۆڤ ل سەر روویێ عەردی ئاشکرا کر و راگەهاند: ئەو کەس ل ڤەنزوێلا دژیت.
پرتووکا گێنس د بابەتەکێ خۆ دا دیار کریە: خوان ڤیسێنتێ پیرێز جۆتیارەکێ ڤەنزوێلی یە و نوکە ژیێ وی 112 سال و 11 هەیڤ و 21 رۆژە و ل دەمەکێ نێزیک دێ ژیێ وی بیتە 113 سال.
گێنس هەروەسا دیار کریە: ل گۆرەی کەسێن ژیێن وان ب فەرمی هاتینە تۆمارکرن، نوکە پێرێز دانعەمرترین کەسە و ژدایکبوویێ 27 گولانا سالا 1909ێ یە، پیرێز ل ویلایەتا تاچێرا یا رۆژئاڤایێ ڤەنزوێلا دژیت و هەر ژ ژیێ 5 سالیێ ل گەل بابێ خۆ کارێ جۆتیاریێ دکر.
