ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مللەت محەمەد:داخێن ئاخێ‌

داخێن ئاخێ‌
مللەت محەمەد
ل ئێڤارەكێ‌
هێشتا رۆژ
دناڤ گرنژینێت خۆدا ژبیرڤە نەچۆی
قیژیەكێ‌ رۆژ ئاڤاكر
ب خریكین بر
ئاسمان ڤەجنقاند
گازی عەورەكێ‌ رەش كر
گرینەكێ‌
دلێ‌ من فێری عەشقا بارانێ‌ كر
تژی بێهنا ئاخێ‌ كر
هەناسا من دناڤ دەستێت خۆدا نڤاندن
ئەسمانێ‌ سوبەیا من
ب یاد و سەر ساڵا شین كر
ب خەم و خەیالا پیر كر
پاشی رۆندكەك ژ چاڤێت قەدەرا من كەت
و داخەك ل سەر سنگێ‌ من كر
پاشی شەڤێ‌
خۆ ب سەر قیژیا دادا
دناڤ كوراتیا هزرێت خۆ دا مەست دكر
ب بێ‌ دەنگی كەلا خۆ دخوار
ل بەردەنگێ‌ ئاوازێت بایی
وی باژێرێ‌ خولك لێ‌ نەمای
وان جادەیێن دناڤ گریا خۆ دا رازای
سەما دگەل رۆندكا دكر
و كەنیێ‌ پێ‌ دا بای
……
ژ نووی من زانی ژانا بەهارا ژیێ‌ من ڤەچەماند
رۆناهیا شەڤێت من
د عەشقا ئاخێ‌ دا هلاند
گەلەك برین بێ‌ كەواندن ڤەحەواندن
گەلەك یارە و ئاوات و خوزە قورمجاندن
و ڤەگەراندن پاشی دراندن
دێ‌ بزڤرە
مانە بەسە
بەسە ئێدی باوەشا ڤێ‌ عەشقێ‌ دا
من ب نڤینە
بەسە ئێدی ب دلێ‌ برین
رۆندكێت بخوین ل جڤاتا من توو برینە
چنكو نەشێم ل شەڤێن درێژ
تە ژ ناڤ خەونێت خۆ دەربێخم
كەنیێ‌ د گرێكێت خۆ دا
ل بەهارا عەشقا تە ب خەم بێخم
نەشێم دەستێت خۆ
ب سەرێ‌ شەڤێن عەشقا تە دا بینم خوار
دگەل كوزیكا هزرێت وان ب مینمە بتنێ‌
چ شەڤێت ئەز بهێن دكەمێ‌
ژ غەریبیا تە دتژینە
ج جادەیا ئەز قەست دكەمێ‌
چاڤ ژ رۆندكا تۆز گرتینە
من دڤێت خۆ بتنێ‌ بوونێ‌ راپێچم
ڤێ‌ هەلبەسێ‌
دگەل ئاوازا پیربوونا قەدەرێ‌ بۆ یاخیبوونا ئاخێ‌ بێژم
بەلكێ‌ د زمانێ‌ رۆندكا ب گەهیتن
یان غەریبیێ‌ ژ رەها بكێشێتن
…..
چاڤەرێ‌ بوون نە دوەریتن نە دخەملتن
یان مەزن دبت
نە پیر دبتن نە دمریتن
دەما بێهانا تە ژ تاڤا هەیڤێ‌ د هەلكێشم
ژ غەریبیا تە رۆندكا درێژم
من دڤێت بتنێ‌ بوونێ‌ سێدارە ب دەم
ئاخ ژی یا د باوەشا تە خنێ‌ بووی
نە چ ژ غەریبوونێ‌ دزانیت
نە د زمانێ‌ رۆندكا دگەهیتن
یا ل بەهارا خۆ دخەملیتن
و دگرنژیت
دبتە ئەلندا سەحاران
ب گەلەك رەنگا دەردكەڤت
ل پایزا
هەموو كەنییا دگەل خۆ دبەت
پاشماوێت وان ژی دسۆژیت
پاشی دفریتن

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi