ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سەلمان نهێلی:(لەیلا)

(لەیلا)
سەلمان نهێلی
ئــــەزم شێت و شەیدا و مەجنونێ‌ لەیلێ‌
وێ‌ ئــەز كوشتم ب فەند و فێل و مەیلێ‌
بلا كفنــم بــــۆ بكــەن كراسێ‌ بـــــــویكێ‌
ب خــــوینا من خەنا كەن دەست و تبلێ‌..
ب خوینا من خــەنا كـــەت تبل و دەستا
كــرمە ئێخسیرێ‌ داڤێـــن خـــــۆ ژ قەستا
مەرەقدارێ‌ وێ‌ بەژنێ‌ و چاڤا ئەز بــووم
ئــەڤرۆ كرنە بەهرا سەرخۆش و مەستا..
ئـــەوێ‌ بەژنا مــن هـــۆزان پێ‌ ڤەهاندی
ئــــەوان لێڤێن من پڕ ماچ ژێ‌ هەلاندی
دانە ئێك دن ئەو خەمل و ڕوی و كەزی
لگەل ئـــــەو سینـــــگێ‌ من ڤەپەرخاندی..
هــــــەرێ‌ لەیلوكێ‌ هـــــــو لەیلێ‌ لەیلایێ‌
چــــاوا تەفسیر بكــــــەم دەرد و بــــەلایێ‌
ژ بـــــۆ تە ئەز ببووم مەجنون لەیلوكێ‌
تــــە خستـــــــمە دەردێ‌ لا حەولەوەلایێ‌..
كلێ‌ چاڤـــێن تە دا ئینم ل جــــــزیرێ‌
كــراس و فیستانێن تە ژ حــــــــەریرێ‌
وەلێ‌ ئیرۆ ژ مـــــــــــــن ڕا حەكیم لازم
دل نیشان بـــوو و بریندارە ب تـــــیرێ‌..
وێ‌ ب تیرێ‌ ئەڤ دل دایە ل بەر نەشتەر
وێ‌ ڕۆ میــــرا ژ هەیڤێ‌ دێم كری قەر
ب زنجیرێ‌ گرێدان دەست و پێن مـــن
كــــــــــــرم گرتیێ‌ زیندانا هەر و هەر..
ڤـــەدان ئاور وێ‌ ب چاڤان و ب ئەبرو
كــــــوشتم و خستمە ل بەر لێڤا قەبرو
مـــەمێ‌ زیندانێ‌ ژ بـــۆ حالێ‌ مـن گریا
كو دل پرت پرت و بێ‌ دەرمانە ئەڤرۆ..
ژ لــــەیلا چاڤ خەزال ڕا هوین ب بێژن
كو دل و جانێ‌ مــــــن وا خەم دچێژن
وەكو دیجــلە وەكو فــوڕات و خابــــــۆر
جــــاری بوون رۆندك و ژ چاڤا دڕێژن..
ئـــــەرێ‌ ڕۆند بوونە جاری ژ چاڤان
ئـەرێ‌ ئەڤین تە كر یاری لەیلا خان
هەمی جــوانی و پیڕۆزی و كـــوباری
تەڤدا تە سەرژێكرن و كرنە قوربان..
نــــــــە شالیارم نەپڕیارم لەیلێ‌ ژارم
ئەڤیندارەك بریندارم ژ تــــەڕا یارم
نەكە مەیــلا، بلا لەیلا؟نەبێ‌ هەیلا
ژ ڤــــێ‌ دووریــێ‌ نكارم بــــێ‌ هەدارم..

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi