شوبات 03, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

خەلۆ شنگالی:سەندیكا هۆنەرمەندان خۆ ل هۆنەرمەندێن شنگالێ‌ نەكریە خودان

خەلۆ شنگالی:سەندیكا هۆنەرمەندان خۆ ل هۆنەرمەندێن شنگالێ‌ نەكریە خودان
تۆرا لالش:
هۆنەرمەند و سترانبێژێ‌ بەرنیاس خەلۆ شنگالی د كورتە دیدارەكێ‌ دا بۆ رۆژناما دەنگێ‌ لالش ئاشكەراكر،هەتا نهۆ تایەكێ‌ سەندیكا هۆنەرمەندێن كوردستانێ‌ ل شنگالێ‌ نەهاتیە ڤەكرن و سەندیكایێ‌ خۆ ل هۆنەرمەندان نەكریە خودان.

خەلۆ شنگالی دیاركر،شنگال خودان كەلتۆر و فلكلۆر و هۆنەرەكێ‌ زەنگینە،پێتڤیە ئەڤ هۆنەرە بێتە پاراستن و گرنگی پێ‌ بێتە دان،ژبەركو چەندین هۆنەرمەندێن شنگالی خوازیارن بەرهەمێن نوو یێن هۆنەری تۆمار بكن لێ‌ ژبەرنەبوونا پشتەڤانیا مادی نكارن چێكن و ئەڤ یەك ژی بوویە كێشەكا مەزن هەمبەر هۆنەرمەندان و گۆت:پێتڤیە تایەكێ‌ سەندیكا هۆنەرمەندێن كوردستانێ‌ بۆ هۆنەرمەندێن شنگالێ‌ بێتە ڤەكرن،چنكو سەندیكایێ‌ وەكو پێتڤی خۆ ل هۆنەرمەندێن دەڤەرێ‌ نەكریە خودان.

شنگالی ئاشكەراكر،مژوولی هندەك ستراناینە لبەردەستن و لگۆرەی پێ‌ چێبوونا خۆ یا مادی دێ‌ تۆمار و بەلاڤ كەین،دووپات دكەین كو هۆنەرمەندێن شنگالی پێتڤی ب هاریكاری و پشتەڤانیێ‌ نە داكو بكارن بتر خزمەتا هۆنەرێ‌ كوردی ب گشتی و ئێزدیان ب تایبەتی بكن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi