تشرینی یه‌كه‌م 06, 2022

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئەكتەرەكێ‌ باكوورێ‌ كوردستانێ‌:دخوازم بتر گرنگی ب سینەما كوردی بێتەدان

ئەكتەرەكێ‌ باكوورێ‌ كوردستانێ‌:دخوازم بتر گرنگی ب سینەما كوردی بێتەدان
تۆرا لالش:
سوفیان گابریێل،ئەكتەرەكێ‌ باكوورێ‌ كوردستانێ‌ یە پشكداری د چەندین فلم و شانۆگەریان دا كریە و نۆكەدا ل باژێرێ‌ باتمانێ‌ دژیت،د دیدارەكێ‌ دا بۆ رۆژناما دەنگێ‌ لالش راگەهاند،ئەگەر كوردان بڤێت رێزە فلمێن باش چێكەن بلا گۆهداری و تەماشەڤانیا سینەمایا ئیرانی و هندی و ئەورۆپی بكن و دخوازم بتر گرنگی ب سینەما كوردی بێتە دان.

ئەكتەر سوفیان گابریێل گۆت:ژبلی ناڤێ‌ سوفیان گابریێل ب عەلی دینۆ ژی ناسكری مە،هەر ل زارۆكینیێ‌ دا حەز ل سەر ئەكتەریێ‌ هەبوویە،جارا ئێكێ‌ دەست ب هۆنەرێ‌ زارڤەكرنێ‌ كر و پاشی بوومە ئەكتەرێ‌ شانۆیێ‌،هەتا نۆكە پشكداری د چەندین شانۆ و رێزە فلمان دا كریە ژوان ژی جەگەرا من، جان و جەگەر، جان، پیڤاز،…هتد)، بەلێ‌ بتر د رێزە فلمێ‌ جان و جەگەر دناڤ خەلكی دا هاتمە ناسكرن ئەڤ رێزە فلمە نەرێزە فلمەكێ‌ باش خۆش بوو،ژبەركو بتنێ‌ ئەز ب رۆلێ‌ دینەكی رادبووم چ كارتێكرنێن باش ل سەر من نەكر.

ئاشكەراكر ژی ئەگەر كوردان بڤێت رێزە فلمێن باش و خۆش چێكەن بلا گۆهداری و تەماشەڤانیا سینەما ئیرانی و هندی و ئەورۆپی بكن و كەنالێن كوردی ژی ب بەرنامە گرنگیێ‌ ب كەسانێن سینەماكار و دەرهێنەران بدەن،داكو بكارن كارەكێ‌ باش و ژ هێژایی بەرێ‌ خۆدانێ‌ پێشكێش بكن،ئەو فلمێ‌ مرۆڤ بۆ مالباتا خۆ، و وەلاتێ‌ خۆ، و ئۆل و پێشكەفتنا خۆ، و زانست و زانینا خۆ چێنەكەت و وانێن نموونەی ژێ‌ وەرنەگرت ئەو نەكارەكێ‌ باش و هێژایە.

ناڤهاتی دوپاتكر،دخوازم بتر گرنگی ب سینەما كوردی بێتە دان و كچ و خۆرتێن كورد بخوونن و د بوارێن جودا جودا پێشڤە بچن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi