ئاب 10, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مۆزيك ژه‌نه‌كێ شنگال 70 سالە بلورێ‌ دژەنت

مۆزيك ژه‌نه‌كێ شنگال 70 سالە بلورێ‌ دژەنت
تۆرا لالش یا راگەهاندنێ‌
موزیكژەنێ‌ بناڤ و دەنگ (خدر سەفەر) خەلكێ‌ كۆمەلگەها خانەسۆرێ‌ یە ل باكوورێ‌ چیایێ‌ شنگالێ‌ د تەمەنێ‌ بیست سالیێ‌ دا دەست ب كارێ‌ هۆنەری كریە،دوو ئامیرێن موزیكێ‌ (بلورێ‌ و دودك)ێ‌ دژەنت،تەمەنێ‌ وی گەهشتیە(71)سالان و رۆژانە ڤان هەر دوو ئامیرێن مۆزیكێ‌ لێددەت.
هەروەسا(خدر سەفەر)بۆ رۆژناما دەنگێ‌ لالش گۆت:نێزیكی پێنجی سالایە ڤان هەر دوو ئامیرێن مۆزیكێ‌ دژەنم و لسەردەمێ‌ بەرێ‌ رۆژانە داوەت ل شنگال دگێران و خەلكێ‌ ژی لبەر دودكا وی دیلان دكر،ژبەركو ل وی دەمی تیپێن داوەتان نەبوون وەكی نهۆ بتنێ‌ خەلكێ‌ لبەر دەنگێ‌ دهۆل و زرنایێ‌ داوەت دگێران ب گۆتنا وی پشكداری د گێرانا خۆشی و شەهیان و هەلكەفتان دا كریە و ب دەهان كاسێت ب هۆنەرمەندێن شنگالێ‌ را تۆمار كرینە دەما كو وان ستران دگۆت ب دودكا خۆ یان ژی ب بلۆرا خۆ ستران دگۆتن داكو ستران خۆشتر لێ‌ بێت، لێ‌ پشتی گەلەك ژ هەڤالێن وی یێن هۆنەرمەند وەغەركری كێم دناڤ خەلكی دا تێمە دیتن و بتنێ‌ جار جارا ل شەڤبێریا بلورێ‌ بۆكەسێن دانعەمر دژەنم.
د درێژاهیا ئاخفتنا خۆ دا دیاركر ژی پشتی تیپێن داوەتان دەركەفتین و ئاوارەبوونا خەلكێ‌ شنگال و مالوێرانیا بسەرێ‌ خەلكێ‌ دا هاتی گەلەك كارتێكرن ل كارێ‌ وی كریە و رەنگە ئەو نكارت وەكی بەرێ‌ بكەیف مۆزیكێ‌ ب ژەنت و جۆرە سستیەك كەفتیە دكارێ‌ وی دا.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.