ئاب 10, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دەنگێن نــــەمر(قاسمێ‌ مەیرۆ)

دەنگێن نــــەمر(قاسمێ‌ مەیرۆ)
رائد غانم
مامۆستا و پسبۆرێ‌ سترانا رەسنا فلكلۆری یاكوردی ژ وان هەلگرێ‌ وەلاتەكی بن دەست مای،سەیدایێ‌ گۆتنا داستانێن قەهرەمانیێ‌ و مێرچاكیێ‌ ،ب دەنگەكێ‌ پر سەهو و هەیبەت ب سەدێن جارا ل كۆچك و دیوانێن جوامێران دا داستانێن (سەیدخانێ‌ كەر و تەمۆ و مەعمۆ وچەتۆیێ‌ فەرحوی وعەزێر ئاغا)گێراینە.
ناڤێ‌ وی قاسمێ‌ حەسۆیێ‌ چوچویە ب قاسمێ‌ مەیرۆ یێ‌ ناڤداربوو،ناڤێ‌ داكا وی مەیرۆ بوو بناڤێ‌ وی هاتیە هلدان ،ل سالا (1927)ێ‌ ل گوندێ‌ چەتەلێ‌ ل دەڤەرا عاموودا بسەر پارێزگەها حەسەكە ڤە ل وەلاتێ‌ سووریا هاتیە سەر دونیایێ‌ ژ ئێلا شەرقییا بوو،هێژ ل دەمەكێ‌ زوو دەست ب گۆتنا سترانێ‌ كریە و ب تایبەت سترانێن مێرانیێ‌ وسوار چاكیێ‌، دەنگێ‌ بابێ‌ حەمۆ تایبەتمەندیا خۆ هەبوو ل ناڤ كۆمێن سترانڤانان دا و ب سەدێن جارا ل كۆچك و جڤاتێن گوندێ‌ خۆ ستران گۆتینە و لسەر دەستێ‌ خالێ‌ خۆ عەلیێ‌ غەرزێ‌ فێری گۆتنا سترانێ‌ بوویە،دیسا گەلەك ستران ژ سترانبێژێ‌ ناڤدار برۆیێ‌ شەرقی وەرگرتینە،قاسمێ‌ مەیرۆ ل دەستپێكا سالێن چلان دا ل وەلاتێ‌ سووریایێ‌ دگەل كچەكێ‌ بناڤێ‌ سارێ‌ خێزان پێكئینایە ودبتە بابێ‌ سێ‌ زارۆكا ژ سارێ‌ ئەوژی(حەمو_مەروان_ئەمین)،ل داویا سالێن چلان ژ گوندێ‌ خۆ باركریە و ل كوردستانا عێراقێ‌ ل وەلاتێ‌ شێخ ل گوندێ‌ سۆركا ئاكنجی بوویە، گەلەك ل گوندێ‌ سۆركا نەما وباركریە گوندێ‌ مل چەپەلێ‌ یێ‌ سەر ب ناحیا باعەدرێ‌ ڤە ماوێ‌ پێنج سالا ل وێدەر مایە و تا سالا(1964ێ‌ هاتیە باژارێ‌ شنگالێ‌ و ل تاخا بەربەرۆژ ئاكنجی بوویە،پشتی پەیمانا خیانەتكارا جەزائیرێ‌ ل ئادارا سالا(1975)ێ‌ و دەرێخستنا كوردان ژ باژارێ‌ شنگالێ‌ و دەربەدەركرنا وان قاسمێ‌ مەیرۆ ل گوندێ‌ رەمبووسی رۆژئاڤا(رەمبووسیێ‌ خالتا)ئاكنجی بوویە،ئەوی هەموو جۆرێن سترانا گۆتینە و ب تایبەتی سترانێن شەرا و ژ وان سترانا (نەواخا براهیم پاشا_سەید خانێ‌ كەر_ شەرێ‌ مالا قتو ونێسر_ئەحمەدێ‌ ئێسكێن)و گەلەك سترانبێژێن دەڤەرا شنگالێ‌ قەستا قاسمێ‌ مەیرۆ كرینە و ژ وی فێری گۆتنا سترانێ‌ بووینە،ل سالا(1968)ێ‌ هەڤژینەكا دی بناڤێ‌ (بێشێ‌ خودێدا) بوو زارۆكێن وێ‌ ژ بێشێ‌ كور(نەواف_سەعدوون_دەروێش_مەجدەل) وكەچ (هەدیە_شار_ناز_هاریمان_زۆزا_غەریب).
لسەردەما رژێمێ‌ چ جارا دەرفەت ژێرا نەهاتیە سترانێن خۆ لسەر رادیۆ و تەلەفزیۆنا بێژت لێ‌ ژمارەكا مەزن ژ كاسێتا ل داوەتا وجڤاتا تۆماركرینە،هەروەسا گەلەك دوركێت داس و دروونا گۆتینە وەك(شڤانۆ_مەندۆ_خرنوفێ‌)،هەژی گۆتنێ‌ یە كو رۆژنامەنڤیسەكی ژ یەكەتیا سۆفیەتێ‌ سەرەدانا وی كریە و لسەر ژیانا وی نڤیسیە، هەتا سالا(2000)ێ‌ ژی ستران دگۆتن،لێ‌ هێش ژ بەرێ‌ دارا ئازادیێ‌ تام نەكری ل سالا(2001)ێ‌ دچتە بەردلۆڤانیا خودێ‌ مەزن و ل گۆرستانا شەهید ل چیایێ‌ شنگالێ‌ دئێتە ڤەشارتن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.