ئه‌یلول 23, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

هۆنەرمەندەكا ئێزدی:ب رێیا هۆنەری ئاریشێن خەلكێ‌ بەرچاڤ دكەین

هۆنەرمەندەكا ئێزدی:ب رێیا هۆنەری ئاریشێن خەلكێ‌ بەرچاڤ دكەین
تۆرا لالش یا راگەهاندنێ‌
كچا هۆنەرمەندا ئێزدی( وارڤین جەمال هرمی) بۆ رۆژناما دەنگێ‌ لالش دیاركر، ل سالا(2005)ێ‌ دەست ب كارێ‌ هۆنەری كریە و هەتا نهۆ چەندین كارێن هۆنەری ئەنجام داینە ب رێیا هۆنەری ئاریشێن خەلكێ‌ بەرچاڤ دكەین.
وارڤینێ‌ گۆت:هۆنەر ژبۆ من ژیانە و رێیا راست و دروست ددەتە مرۆڤی و مرۆڤاتیێ‌ و حەز لسەر هەموو كارێن هۆنەری هەیە،ل سالا(2005)ێ‌ دەست ب كارێ‌ هۆنەری كریە و ل پەیمانگەها هۆنەرێن جوان پشكا شانۆیێ‌ خووندیە،كارێن هۆنەری یێن ئەنجام داین بتر بێژەری بوویە لێ‌ دیلان وستران ژی گەلەك جاران ئەز لێ‌ پشكدار بوویمە و چەندین كارێن دیتر یێن هۆنەری یێن هەمەجۆر ل ناڤ كوردستانێ‌ كرینە و ل سالا(2009)ێ‌ وەلات بجێهێلا و چ كارێ‌ هۆنەری نەكرن ژبەر كێمیا هۆنەرمەندێن مە ل دەرڤەی وەلاتی ل وی دەمی دا.
تەكەزكر ژی پشتی جینۆسایدا ئێزدیان ل شنگال ل وی دەمی ب فەر دیت هندەك كارێن هۆنەری بكن داكو خەلكەك بزانت چ بسەرێ‌ خەلكێ‌ مە هاتیە،ل وەلاتێ‌ بەلژیكا پایتەختا ئێكەتیا ئەورۆپا هندەك نمایشێن جۆرا و جۆر كرن كو دەربرین ژ وان نەخۆشیێن بسەرێ‌ خەلكێ‌ مەدا هاتین.
هەروەسا دیاركر،داخوازێ‌ ژ جیێن شۆلەژێ‌ دكەین بتر خزمەتا هۆنەر بكن و ب چاڤەكێ‌ مەزنتر ل هۆنەرمەندا بنێرن ژبەر هۆنەر روویێ‌ راست و دروست یێ‌ وەلاتانە،دیسان هۆنەر رێیا راست و دروست پێشانی مرۆڤی ددەت،چنكو هندەك ئاریشە هەنە بتنێ‌ مرۆڤ ب رێیا هۆنەری د دانێت بەرچاڤێ‌ خەلكی و دەربرینێ‌ ژێ‌ دكت.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.