شوبات 24, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

هۆنەرمەندێ‌ نەمر(شێخ مووسێ‌ شێخ سلو)دانەرێ‌ سترانێن چیایێ‌ شنگالێ‌

هۆنەرمەندێ‌ نەمر(شێخ مووسێ‌ شێخ سلو)دانەرێ‌ سترانێن چیایێ‌ شنگالێ‌
تۆرا لالش یا راگەهاندنێ‌/رائد غانم
سترانبێژێ‌ كوچك و دیوانان بلبلێ‌ سەر چوقلێ‌ زەر گوێز و هنار و هەژیرێن سمێ‌ هێستر و كەرسێ‌ ساخ كەرێ‌ داستانا شێخ میرزایێ‌ ئالقوسی سارێژكەرێ‌ بریندارێن عەشق و ئەڤینیێ‌ ب سەدێن جارا دار و بەرێن چیایێ‌ شنگالێ‌(سترانا لێ‌ لێ‌ عەجەمیێ‌ زەریێن گوندێ‌ مە چوونە ئاڤێ‌ كێرسم غەزالا خۆ دابوو پێشیێ‌ ئەنی گەوهەرا خۆ دابوو ناڤێ‌)لێك ڤەگێراینە،مامۆستایێ‌ قوتابخانا سترانا فلكلۆریا كوردی بابێ‌ هەرسێ‌ سترانڤانێن ناڤدار كەكا وچێلی و سترانڤانێ‌ وەغەركری قەوال.
هۆنەرمەندێ‌ نەمر(شێخ مووس سلێمان خەلەف) یێ‌ ناڤدار ب شێخ مووسێ‌ شێخ سلو ل سالا(1917)ێ‌ ل تەنشت مەزارگەهێ‌ شێبل قاسم ل چیایێ‌ شنگالێ‌ هاتیە سەر دنیایێ‌ و ل سالا(1934)ێ‌ دەست ب گۆتنا سترانێ‌ كریە،و ل كوچك و دیوانان ستران ب سترانبێژێن خودێ‌ ژێ‌ رازی كچێ‌ عەمێ‌ وشێخ دەروێش و بەرەكاتێ‌ حەلیقی پیر تەعلو را گۆتینە،دیسان ستران ب سترانڤان نافخۆش عبدالخالق را گۆتینە،هەموو جۆرێن سترانێ‌ گۆتینە مینا سترانێن(عەجەمێ‌،سلێ‌ بەزا،خەجێ‌ وسیحمەد،خالێ‌ رخیسێ‌،میرمح،كوچرێ‌)،نێزیكترین ستران لبەر دلێ‌ وی سترانا خەجێ‌ و سیحمەد بوو،رەحمەتیێ‌ شێخ مووس ل تەمەنێ‌(19) سالیێ‌ دا ل گوندێ‌ خۆ ل تەنشت سلاڤگەها شێبل قاسم هەڤژینی پێك ئینایە ناڤێ‌ هەڤژینا وی(كورێ‌ خدر حەسەن)بوو زارۆكێن وی ژ كورێ‌ كور (قەوال_كەكا_باشوك_چێلی) وكەچ(بەنەفش_هەلو_خمرێ‌_چیچێ‌)،رەحمەتیێ‌ شێخ مووس تەمبور باش دژەنی و پێرا ستران دگۆتن دیسان سەردەریێ‌ سلاڤگەها شێبل قاسم بوو ل چیایێ‌ شنگالێ‌،شێخ مووس یەكەمین سترانبێژ بوو ل چیایێ‌ شنگالێ‌ سترانا عەجەمێ‌ گۆتبوو دیسان دانەرێ‌ چەند سترانێن چیایێ‌ شنگالێ‌ بوو،ژ وان سترانا كوچەرێ‌ بتر ژ(350)سترانان دزانی و ب دەهان كاسێتێن وی هاتبوونە تۆماركرن.
ل ئێڤارا جەمایا شەرفەدین ل رۆژا(14/8/1982)ێ‌ بەری ب ئازادبوونا بەردەحلا رەنگین شادببێ‌ دچە بەر دلۆڤانیا خودێ‌ مەزن،و ل گۆرستانا شێبل قاسم ل چیایێ‌ شنگال دئێتە ڤەشارتن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.