ئایار 21, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

هندەك سترانبێژ هۆنەرێ‌ شنگالێ‌ بەرەف هندابوونێ‌ دبەن

هندەك سترانبێژ هۆنەرێ‌ شنگالێ‌ بەرەف هندابوونێ‌ دبەن
تۆرا لالش یا راگەهاندنێ‌
شنگال دەڤەرەكا بەرنیاسە ب هۆنەرێ‌ خۆ،پشتی چۆنا هۆنەرمەندێن ب ناڤ ودەنگێن داوەتا بۆ ئەورۆپا زەمینە بۆ گەنجێن حەز لسەر گۆتنا سترانێ‌ هەی خۆش بوو بكەڤنە دمەیدانا هۆنەری دا،لێ‌ هندەك سترانبێژ هۆنەرێ‌ شنگالێ‌ بەرەف هندابوونێ‌ ڤە دبەن.

هۆنەرمەند(زێدان خەلەف) بۆ رۆژناما دەنگێ‌ لالش خویاكر،پشتی هۆنەرمەندێن ب ناڤ ودەنگێن داوەتا یێن شنگالێ‌ چۆینە ئەورۆپا زەمینە بۆ گەنجێن حەزا گۆتنا سترانێ‌ هەی خۆش بوو بكەڤنە دمەیدانا هۆنەری دا،لەوما نهۆ ژمارا هۆنەرمەندا دناڤ جڤاكێ‌ ئێزدی دا بەرەف زێدەبوونێ‌ یە و ڤێ‌ یەكێ‌ كارتێكرن لسەر رەوشا هۆنەرمەندێن كەڤن یێن خزمەتا هۆنەری هەین كریە،دخوازم هۆنەرمەندێن شنگالێ‌ بەهایێ‌ خۆ بزانن و خۆ راستی شكەستنێ‌ نەكن و هەموو پێكڤە خزمەتا هۆنەرێ‌ دەڤەرا شنگالێ‌ بكن،دیسان ئەو سترانبێژ یان هۆنەرمەندێن داوەتا ب دروستی سترانێن فلكلۆری نابێژن و هۆنەرێ‌ شنگالێ‌ بەرەف هندابوونێ‌ ڤە دبەن.

ژلایەكی دی ڤە(رەشید شنگالی)وەك تەمبورڤانەك بۆ رۆژناما دەنگێ‌ لالش ئاخڤی،زەمینە نەبتنێ‌ بۆ گەنجان چێبوویە،دخوازن ئەڤ كەسێن نوو كەفتینە مەیدانا هۆنەری دا هەول بدەن هۆنەرێ‌ شنگالێ‌ بەرەف پێشڤەچۆنێ‌ ببەن و بتر دەولەمەند بكن ژبەركو شنگال دەڤەرەكا بەرنیاسە ب هۆنەرێ‌ خۆ،هەروەسا دڤێت ئەو كەسێن حەز و ڤیانا وان لسەر هۆنەری هەی خۆ باش پەروەردە و شارەزا بكن دڤی بواری دا.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.