ئه‌یلول 18, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مللەت مە‌حە‌مە‌د:ئاریانا روندكا

ئاریانا روندكا
مللەت مە‌حە‌مە‌د
دلێ‌ من
ل دیدارا شەڤەكێدا
د مێهڤانداریا گرنژینەكا هاردا
بەرەف گەشتەكا دامای چوو
سەمایەكا بێ‌ پەیڤ و گاڤ
خۆ دمن وەركر
كەنی گریكێت من
كرنە ئێخسیرێت شەڤەكا خەم لی هزرەت
ب ئەڤرۆیا خۆ
سوبەیا من یا ساویلك گریاند
بێ‌ دەنگیەكێ‌ گیانی مە بە چ نی
مە ژی دناڤ هەمبێزكرنا خەونان دا
ڤەشارتنا ژانادا
دەمێ‌ دێمێ‌ هەیڤێ‌ دناڤ جوانیا خۆدا
ئاواز دستراندن
جوانترین پەیڤ دهەلاڤێتن
یاری ب زارۆكینیا سۆزان دكر
ئەڤین .. ژین و .. گرنژین د كوزراندن
هەناسا خۆ ژی دگەل گڤاشت
بەلێ‌ هەر ژ بارانا بێ‌ هیڤی بوونێ‌ زووها نەدبووم
دناڤ ئاگرێ‌ دلێ‌ خۆ دا هەرێ‌ دكەلم
و دكەلم هەتا سپێدێ‌
بڤی رەنگی نوبەردار بووم
…..
ل گەل دەركەفتنا
ئەلندەكا سڵ ژ رۆژێ‌
سپێدەییەكا ژ خۆ شەرمكری
بوهارا ژیێ‌ من كرە پائیزەكا پاشڤەمای
ژ بیرهاتنێت بەس ژێ‌ خەم ماین
كەنی گریكێت من
كرنە ئێخسیرێت شەڤەكا خەم لێ‌ هزرەت
ب ئەڤرۆیا خۆ سوبەیا من یا ساوێلك گریاند
ب بارۆڤا خوریا دلێ‌ خۆ
كەڵا هناڤێت خۆ
پشكڤینێن دوژمنێت ئەڤینا من
ئەز لال كرم
دەرێژا ئە شكەنجەدانا هیڤیا ژی
یا دەستێت خۆ
ب كەزیێت سپیاتییا دا دئینتە خار
یا تەفنەكێ‌ فێلا درێسیت
نە من دكوژیت
نە ژینەكا هێشتا ژ رۆژێ‌ ئاش نەبووی
لگەل من بێژیت
….
كۆچا ملیۆنیا روندكا
ژ نوو دەسپێكر
هندەك دناڤ بێ‌ دەنگیا دلێ‌ خۆدا فەتسین
هندەك ژی دناڤ كەڵا دلێ‌ خۆ دا سۆتن
هندەك ژی ل بەر بارۆڤا حەزێن كیڤی تەپەسەربوون
كسگیرۆكا شەبەنگان ژی هەیف دخەوبر
دووماهیك لاپەرێن ژیانا من ژی
خۆ هشیار كر
هەمبێزا ڤان ئازاران كر
حە ژ تە دكەم
یاریێ‌ ب جوانیا چاڤێن تە .. بەژنا تە .. پرچا تە ناكەم
هەتا خۆ بەری دوماهیك هەناسا خۆ ژی
دی سۆزا خۆ گۆری كرنێ‌ و قوربانیدانێ‌
دیاری و پێشكێشی تە كەم ..

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.