ئاب 20, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مللەت مەحەمەد/چاڤەرێ‌ بووم

چاڤەرێ‌ بووم
مللەت مەحەمەد
چاڤەرێ‌ بووم
لێ‌ نەهاتی
هزرێت من
مینا باژیرەكی بەرد دریای یێت بەلاڤ بووین
باڤلوژانكێ‌ هیڤیێت من یێت ڤەگرتین
سەرێ‌ ئێڤارێت من ژی
لسەر ملێت وان یێت شوربووین
هەناسێت من ژی
دناڤ گەرماتیا رۆندكێت خودا یێت سۆژن
شەڤێت من د غەریبیا ئەشقا تە دا یێت دفەتسن
دلێ‌ من ژ لێدانێت خۆ ب شادبوون ب دیدارا تە بلەزترە
ژ زارویەكێ‌ دایك نە دیتی غەریب ترە
ژ پیركالەكێ‌ بێ‌ دەست و لەپ و گاف شەبرزە ترە
…………………………………..
چاڤەرێ‌ مە
نووبەدارێ‌ یەلدایێ‌ مە
رێڤینكێ‌ رێیا تە مە
هزر یێ‌ ژ هزرا دكەڤن
هندەك دناڤ جادەیێن سەرێ‌ من دا یێ‌ دغولغولن
هندەك یێ‌ دلێ‌ من دگڤێشن
هند یێ‌ رۆندكا ژ چاڤێت من درێژن
سەر هندێ‌ را یێ‌ ل جفڤاتا وان دگرنژم
دا تاریاتیێت شەڤێت خۆ ژ رۆناهیا ئەشقا تە شیرڤە بكەم
پیرە یادێت خۆ ب نڤینم
رۆندكێت خۆ ژبیرڤە ببەم
پاشی دێ‌ گازی وی بای كەم
یێ‌ جاران باهین لبەر دلێ‌ تە ددان
دا بێ‌ هیڤیبوونێ‌ پاشڤە بزڤرینم
دێ‌ بزڤرە
دگەل ئێكەم دیدارا من ب گرنژە
دە ما تە ئەشق دناڤ دلێ‌ خۆ حەواندی
و ل بەهارا خەونێت من جەراندی
و ل بەهارا دلێ‌ من ئافراندی
وی دەمی ل وەستیكا بووم
یێ‌ بێ‌ زمان و هێش و خەم بووم
دناڤ جڤادا خەونێت خۆدا سۆر گولا بەهاری بووم
ژ وی دەمێ‌ تە یاری ب هەستێت رۆژێ‌ كرین
حەژ بارانێ‌ كری
گازی رۆندكێت بای كری
ئەز و رۆندكێت بارانێ‌
مینا بەفرو هەتاڤێ‌ لێ‌ هات بووین
ئەم ڤێك كەفت بووین
لێ‌ راستی دبن پێ‌ كەفت بوو
بەفرو هەتاڤ
بوون دلۆپەك ژ دەریایێ‌ ڤێ‌ راستیێ‌
و ژ دێم و چاڤێت تە بەهی بوو
من ژێ‌ بۆ خۆ ڤەگرت دبوو
دناڤ دەستێت خۆدا هەلگرتبوو
حەژێ‌ كربوو
……………………………………..
هشكەسالیێ‌ بسەر هیڤیێت مە دا گرت
بای برن و باروڤێ‌ شووشتن
ڤیانا تە دناڤ دلێ‌ من دا پرت پرت كر
پاشی ل ئاشەكی هیركر
بتنێ‌ ما لەشەكێ‌ بێ‌ گیان
پەرتۆكەكا پری پەیڤێت بێ‌ رامان
بەری ئیسكێت خاترخاستنێ‌ دەستێ‌ خۆ ب سەرێ‌ من دا بینە خار
قورجەكا رۆندكێت گەرم ب نەخرینی
بسەر خۆزیێت پۆشمانیێ‌ دا بكەم
من بریاردا
هەموو سۆز و ژڤانێت خۆ ب سێدارە بدەم
خۆ ژ هەموو هیڤیا ب دا قوتم
هندەك گونەهێت خۆ ب رائێخم و هشك بكەم
و بەری رۆژێ‌ سلاڤ بكەم
دەستێت خۆ ب سەرێ‌ ئەلندا سوبەیا خۆ دا بینمە خار
لبەر گرنژینا تیرۆژكێت وێ‌
كەردەنا خۆ پێ‌ ئازا كەم و هەمبێزكەم
پاش ژ دەڤ باركەم

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.