كانونی یه‌كه‌م 10, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

قاسم لەوەندی:پەرییا من

پەرییا من
قاسم لەوەندی
نزا چاوا پەسنێ‌ تە بكم
جوانیا تە خویا بكم
دێمێ‌ وەك گول
بەژنا بلند
ئەزێ‌ چاوا ژبیر بكم
دەڤ ل كەنێ‌
چاڤ بازنێ‌
هنگڤ دبارێ‌
ژ بن چەنێ‌
چاوا بێژم
چاوا ب گەهمێ‌
چاوا خوە بگرم
و دەست ناڤێژمە گەردەنێ‌
چاڤێن تەیێن رەش
رووكێ‌ تەیێن گەش
جوانی و خوەشكیا تە
ئەز دین كرم كرمە بێ‌ هەش
م دڤێ‌ ئیرو ئەز بێژمە تە
دل ئەڤیندارە ژبۆ تە
پەرییا من
دڤێ‌ ئێزیدخانێ‌ دا
من ژ تە جوانتر كەس نەدیت
دڤێ‌ جیهانێ‌ دا
ژ غێری تە من كەس نەدیت
تووی ئالا من ئۆلا من
جەژن و سەر سالا من
خاكا من و وەلاتێ‌ من
وەرە ئەم وەكا بۆك زاڤا
د ناڤ نەڤیێت بەكویا دا
قوبا عەشقا خوە ب هلێل كن
ل ناڤ چیمەنێن شنگالێ‌
هەبونا خوە دیار بكن
بلا تەڤ خەلك و زانبی
كە ئەم چەندێ‌ حەش یەك دكن
د پەرتۆكا ئەڤینێ‌ دا
ئەم ناڤێ‌ خوە تۆمار بكن
ل بلندیا گرێ‌ عەشقێ‌
ئەم ئالا خوە بلند بكن
دا خەلك هەموو زانبێ‌
ئەم ئەڤیندارێ‌ ژ دلن
و چاڤ لمە بكن
ئەم ئەڤیندارێ‌ ژ دلن
و چاڤ لمە بكن

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.