تشرینی دووه‌م 20, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

فەرمان و جینۆسایدێن ب سەرێ‌ مللەتێ‌ مە دا هاتین هاندام هۆزانان بنڤیسم

11940420_558874330939987_867524459_nفەرمان و جینۆسایدێن ب سەرێ‌ مللەتێ‌ مە دا هاتین هاندام هۆزانان بنڤیسم
دیدار:سالار فائز
هۆزانڤانێ‌ گەنج(میران سەباح) د دیدارەكێ‌ دە بۆ دەنگێ‌ لالش دیاركر،هۆزانێ‌ دڤێ‌ قۆناغێ‌ دا دئاستەكی باش دا دبینم،هەروەسا ژبەرنەبوونا هاریكاریا مادی من نكاریە گەلەك كلیپا چێكەم،ئاماژە دا وێ‌ چەندێ‌ كو فەرمان و جینۆسایدێن ب سەرێ‌ مللەتێ‌ مە دا هاتین هاندام هۆزانان بنڤیسم.

ل دۆر دەستپێكا خۆ یا هۆزانێ‌ و كەسانێن هاریكاریا وی كرین (میران سەباح)دبێژت:دەستپێكا من بۆ نڤیسینا هۆزانێ‌ پشتی رووخاندنا رژێما گۆر ب گۆر بوو،دیسان ژ زارۆكینیێ‌ من حەز و ئارەزووێت هۆنەری هەبوون تایبەت هۆزانێ‌،براستی گەلەك كەسا هاریكاریا من كریە،یێ‌ ئێكێ‌ بابێ‌ من وهەروەسا چەند كەسایەتیێن دی ژی و چ جاران هاریكاری و پشتەڤانیا وان بۆ من ژبیرناكەم.

سەبارەت هۆزانا نۆكە و رۆلێ‌ هۆزانڤانێن ئێزدی دگەهاندنا كارەساتا جیایێ‌ شنگالێ‌ و نیشاندانا وێ‌ ب جیهانێ‌ میرانی دیاركر،ب راستیهۆزانێ‌ دڤێ‌ قۆناغێ‌ دا دئاستەكی باش دا دبینم،نەخاسمە ئەڤ قۆناغا دیرۆكی یا مللەتێ‌ كورد تێرا دەربازدبت،ژبەركو هۆزان ژی وەكی هە ر هۆنەرەكی یەچ ئستران گۆتن یان شانۆگەری یان شێوەكاری هۆنەرەكی زێندیە و تێدا مرۆڤ ئێش و ئازارێت مللەتێ‌ خۆ دیاردكت و نیشا جیهانێ‌ د دەت،هەروەسا رۆلێ‌ هۆزانڤانان ژی بلند دهەلسەنگینم و كێم تەرخەمی نەكرینە،كەچاوا شێوەكار ب وێنەێت خۆ و ستران بێژ ب سترانێت خۆ هەرهۆسا هۆزانڤانا ژی ب هۆزانێت خۆ،ژبەركو كارەساتا چیایێ‌ شنگالێ‌ برینەكە كورە دناڤ لەشێ‌ مەدا و دەرمانكرنا وێ‌ نە ب ئاسانی یە ،بەلكو برینا وێ‌ ژ هەفتی و سێ‌ فەرمانێت دی كورترە و ددیرۆكا مرۆڤایەتیێ‌ دا چوو كارەساتێن هۆسا نەهاتینە كرنە و ئەگەر هەبن ژی نە ژ یا ئێزدیا خرابتر و مال وێرانتر بووینە،ڤان ئێش وئازارا و رۆندك و كوشتن و تالان و فەرمان و كۆچبەریا ب كۆم كارتێكرنەكا زۆر ل هۆزانڤانا كر،كو ڕۆلێ‌ خۆ هەبن پتر ژ قۆناغێت بەرێ‌،ڤێ‌ فەرمانا داویێ‌ یا شنگالێ‌ زەرەرو نەخۆشیەكا زۆر گەهاندە ئێزدیا،لێ‌ ئەڤ فەرمانا داویێ‌ دبتە ئەگەرێ‌ هندێ‌ كو فەرمانێت دی یێت ئێزدیا بێنە پاراستن ژ هندابوونێ‌ و ئێزدی بێنە ناساندن ب هەموو جیهانێ‌.

ل دۆر كلیپكرنا هۆزانێن خۆ و بەرهەمان میرانی گۆت:ژبەر نەبوونا هاریكاریا مادی من نكاریە گەلەك كلیپا چێكەم،بتنێ‌ ڤێ‌ داویێ‌ من ئێك ژ هۆزانێت خۆ كلێپ كر پشتی كارەساتا چیایێ‌ شنگالێ‌ بناڤێ‌(كۆچا كۆچۆ) و نۆكە ل سەر شاشا گەلەك كەنالا تێتە پەخشكرن،سەبارەت بەرهەمی ژی من ئێك بەرهەم بەرهەمینایە بناڤێ‌ (بێ‌ سۆز).

ژلایەكی دیڤە دەربارەی پێشكێشكرنا هاریكاریێ‌ بۆ هۆزانڤانێن ئێزدی دیاركر،هۆزانڤانێت مە ب گشتی رۆلەكی بەرچاڤ وێ‌ گێراین بۆ دیاركرنا ئێش و ئازارێت وەلاتێ‌ خۆ ب پێنوس و پەیڤێت خۆ،بەلێ‌ گەلەك جاران نەبوونا هاریكاریێ‌ یان هەبوونا هاریكاریێ‌ نە ل ئاستەكی پێتڤی هۆسا كریە كو ڤالایەك بكەفتە د كارێ‌ هۆزانڤانی دا یان كارێ‌ وی باش نێتە بەلاڤكرن.

دەربارەی داخباربوونا هۆزانڤانان ژی گۆت:ئەز داخباربووم ب هۆزانڤانێت نەمر وەكی (خانی و مەلایێ‌ جزیری …هتد)لێ‌ ئەو كوشتن و فەرمان و كارەسات و كیمیا باران و ئەنفال و جینۆساید ب سەر مللەتێ‌ من دا هاتین كارتێكرنا خۆپتر ل سەر من كر،گەلەك هاندام هەتا كو هۆزانێ‌ بنڤیسم و ب رێیا هۆزانێ‌ خزمەتەكا بچووك پێشكێشی گەل و وەلاتێ‌ خۆ بكەم.

هۆزانڤان (میران سەباح جاسم ) ژ دایك بوویێ‌ سالا ١٩٩٣ێیە ل ناوچەیا باعەدرێ‌ و پتریا جاران ل كۆرو هێڤاریێت هۆزان خواندنێ‌ ول ئاهەنگ و ڤیستەڤالا و خۆلێت راگەهاندنێ‌ بەشداریێ‌ دكت.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.