تشرینی یه‌كه‌م 17, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سەلمان نهێلی:ئەڤرۆ و ئەڤین

ئەڤرۆ و ئەڤین
سەلمان نهێلی
نە هەر یا كورە و ل بەندێ‌ زولەیخایە
نە هەر بلبل دەمێ‌ دخوونت یێ‌ دامایە
ل كۆڵانێن باژاری گونەهبار زۆرن
نە هەر یێ‌ ل كونجا زیندان مەمێ‌ ئالایە..
ل جزیرێ‌ ژی ئەڤرۆ زین ناهێن دیتن
خۆ كەنعان ژی ژ یوسفان یا ڤاڵایە..
نە شرینێن ئەڤرۆ شرینن
نە ژی فەرهاد ئەڤرۆ مژویلێ‌ چیایە..
نە سیامەند خەجوكێ‌ دبەتە سیپانێ‌
نە لەعلیخان چواردە سالان
ل بەندا هەسەم ئاغایە…
ئەڤین،یار،بوهار ئەڤرۆ نە د پیرۆزن
باڵندا رێیا هێلینان لێ‌ وندایە..
بلبلێن مەست و غەزەل بێژ ئیرۆ دمتن
كورێ‌ هەلبەستان ژبۆ قەلان بجه هێلایە..
ژانا عەشقا ئیرۆ نەگرانە مخابن
دەردێ‌ ژێكڤەبوونێ‌ ئەڤرۆ سڤكە تایە
ل بازارێ‌ دلفرۆشان ئەرزانیە
دلفرۆشی بوویە پیشە و دل ژی ئەڤرۆ كاڵایە..
هەموو ماچ ژی نەد حەلالن هند بەتالن
خۆ شەرابا هەموو لێڤان نەشیفایە

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.