تشرینی دووه‌م 20, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دڤێت هەلبەستڤانێن ئێزدی پەیاما خۆ بگەهینن ددەرهەقا كارەساتا شنگالێ‌ دا

دڤێت هەلبەستڤانێن ئێزدی پەیاما خۆ بگەهینن ددەرهەقا كارەساتا شنگالێ‌ دا
دیدار:شمال خدر5
هەلبەستەڤانێن كوردێن ئێزدی ب رێیا پێنڤیس و پەیڤێن خۆ وەكی هەر چینەكا دی دەربرین ژ وێ‌ فەرمان وكارەساتا مەزنا شنگالێ‌ كرن،هەلبەستڤانێ‌ گەنج(سیروان رێسان حسن ) ئاكنجیێ‌ كۆمەلگەها خانكێ‌ یە و نۆكە ل ئەلمانیا دژیت ددیدارەكێ‌ دا بۆ دەنگێ‌ لالش گۆت:ڤێ‌ كارەساتێ‌ كارتێكرن ل من كر كو ب رێیا هەلبەستێ‌ دەربرینێ‌ ژ خەم وژان و ئێشێن مللەتێ‌ خۆ بكم ،هەتا نۆكە من چەندین هەلبەست نڤیسینە و تۆماركرینە و هەموو ژی دەربرینێ‌ ژكارەساتێ‌ دكن.

ل دۆر رۆلێ‌ هەلبەستەڤانی دڤێ‌ كارەساتێ‌ دا(سیروان رێسان)گۆت:ئەو فەرمان و كارەساتا مەزنا ب سەرێ‌ خەلكێ‌ مەیێ‌ شنگالێ‌ هاتی ل هەموو جیهانێ‌ دەنگڤەدا و وژدانا مرۆڤایەتیێ‌ هەژاند ،ژبەركو داعش گەلەك روودانێن دلتەزین مینا كوشتن و سەرژێكرنێ‌ و رەڤاندنا كەچ وژنا ب سەرێ‌ مە ئێزدیان ئینان و مللەتێ‌ مە هەموو ئاوارەو دەربەدەری دونیایێ‌ بوون،لەوا ئەڤێ‌ چەندێ‌ هەموویێ‌ كارتێكرن ل من كر كو ب رێیا هەلبەستێ‌ دەربرینێ‌ ژ خەم وژان و ئێشێن مللەتێ‌ خۆ بكم و دڤێ‌ كارەساتا هۆسایە مەزن دا پەیاما خۆ ب دارێتنا پەیڤان بگەهینمە هەموو دونیایێ‌،ئانكو دكارم بێژم كارەساتا شنگالێ‌ كارتێكرن ل من كر كو هەلبەستێ‌ بنڤیسم و هەتا نۆكە من چەندین هەلبەست نڤیسینە و تۆماركرینە و هەموو ژی ئەون یێ‌ دەربرینێ‌ ژكارەساتا شنگالێ‌ دكن ژوان ژی (راوەستە عزراییل ، گایێ‌ شاش ، رابن ئێزدینۆ ،زەندیقێن ئێزدیان ، كارەساتا شنگالێ‌ ، ئەرێ‌ هەی ئێزدی ،هاوارا هەی هاوارا).

ناڤهاتی ئاشكەراكرژی دڤێت هەلبەستڤانێن مە یێن ئێزدی ب شێوەیەكی راست و دروست پەیاما خۆ بگەهینن وراست بنڤیسن ددەرهەقا قەبارێ‌ ڤێ‌ كارەساتا مەزندا،بلا هەلبەستێن وان رەخنە بن بەس رەخنەیەكا ئاڤاكەر بت،ژبۆ بەرخودان وبەرژوەندیا خەلكێ‌ مەبە نەكو رەخنەگرتن بە دژی پارت ولایەنێن سیاسی ،چنكو ئەڤە دێ‌ بتە تێكدان.

ل دۆر حەژێكرنا خۆ بۆ هەلبەستێ‌(سیروانی) دیاركر،پتر حەژ هەلبەستا حەماسەیی وبەرخودانێ‌ دكم، ب دیتنا من چ شێوەیێ‌ هەلبەستا نكارن ڤێ‌ برینا مەزنا كارەساتا شنگالێ‌ دەرمان بكن ب تنێ‌ هەلبەستا بەرخودانێ‌ و هشیاركرنێ‌ نەبت.

دەربارەی كارێن خۆ یێن داهاتی هەلبەستڤانی گۆت: دوو هەلبەستێن من بناڤێ‌ (فەخفەخە ، كافر ) نۆكە ل ئەلمانیا دكاریدانە بۆ تۆماركرنێ‌ و دیسان من ئێكا دیترژی بۆ تۆماركرنێ‌ من هنارتییە زاخۆ ژی ب ناڤێ‌ (بارزانی و غەزەبا مەلك تاووس)،هەروەسا سێ‌ هەلبەستێن دیتر ژی ل بەر دەستێ‌ من هەنە ب ناڤێ‌ (وەرنە شنگال ، لالش )و یەك ژی ل سەر رەحمەتیێ‌ بابێ‌ منە وەك وەفادارییەك بۆ گیانێ‌ وی.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.