تشرینی یه‌كه‌م 17, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بەرپرسێ‌ تیپا شاریا یا هۆنەری:ئێزدیان سامانەكێ‌ مەزن یێ‌ فلكلۆری ل كوردستانێ‌ هەیە

بەرپرسێ‌ تیپا شاریا:ئێزدیان سامانەكێ‌ مەزن یێ‌ فلكلۆری ل كوردستانێ‌ هەیە
تۆرا لالش یا راگەهاندنێ‌
بەرپرسێ‌ تیپا شاریا یا هۆنەری مللی دیاركر،ئێزدیان سەروەت و سامانەكێ‌ رەسەن و مەزن یێ‌ فلكلۆری و كەلتۆری ل كوردستانێ‌ هەیە،ئەركەكە لسەر مللێ‌ مە هەموویان ڤی كەلتۆری بپارێزین.

بەرپرسێ‌ تیپا شاریا یا هۆنەری مللی(ئسماعیل میرۆز)بۆ رۆژناما دەنگێ‌ لالش راگەهاند،هەر ژ دەمێ‌ دامەزراندنا تیپێ‌ و هەتا نهۆ لگۆر شیانان خۆ ل فلكلۆر و كەلتۆرێ‌ ئێزدیان یێ‌ رەسەن كریە خودان و ژ وی فلكلۆری ژی مە گەلەك جەژن و داب و نەریتێن مە ئێزدیا ساخكرینە وەكی جەژنێن سەرسالێ‌ و خدر لیاس و گورگا گایی و سرودا شەرفەدین ئەڤە سەروەت و سامانێ‌ مەیە مللەتێ‌ مە پێ‌ یێ‌ زەنگینە، كوردێن ئێزدی سەروەت و سامانەكێ‌ رەسەن و مەزن یێ‌ فلكلۆری و كەلتۆری ل كوردستانێ‌ هەیە،ئەركەكە لسەر مللێ‌ مە هەموویان ڤی كەلتۆری بپارێزین و گرنگیێ‌ پێ‌ بدەین.

دەربارەی جلكێن كەلتۆری دبێژت:هەتا رادەیەكی مە كاریە ئەم جلكێن خۆ یێن بەرێ‌ كو گەلەك جۆرێن جلكانە بپارێزین،جلك ئێك ژ سومبلێن ئێزدیاتیێ‌ یە و ژپێناسا ناسناما ناسكرنا كەسێ‌ ئێزدی یە.

هەروەسا گۆت:تشتەكێ‌ كەلتۆری یێ‌ گرنگ مە یێ‌ ژ دەست دایی ئەو ژی ناڤن،ژبەركو نفشێ‌ نهۆ دەمێ‌ ناڤێ‌ كچەكێ‌ دكەیە قازێ‌ یان ئۆردێ‌ یان بزنێ‌ یان برهیم و جردۆ و مشكۆ بۆ كوری درازی نینن،ئەڤە ناڤێن مە یێن رەسەنن و هیڤیدارن بپارێزن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.