حوزه‌یران 26, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئەكتەرەك:هۆنەرێ‌ شنگال بنیاتێ‌ رەسەنێ‌ هۆنەرێ‌ كوردی يە

ئەكتەرەك:هۆنەرێ‌ شنگال بنیاتێ‌ رەسەنێ‌ هۆنەرێ‌ كوردی يە
تۆرا لالش یا راگەهاندنێ‌
ئەكتەرەكی تیپا گرعزێر یا هۆنەرێ‌ شانۆیێ‌ دیاركر كو هۆنەرێ‌ شنگال بنیاتێ‌ رەسەنێ‌ هۆنەرێ‌ كوردیە،لێ‌ نهۆ ژ هەموو لایان ڤە مەترسیەكا مەزن لسەر هەیە و بەرەف ناڤچۆنێ‌ دچت.

ئەكتەرێ‌ تیپا گرعزێر یا هۆنەرێ‌ شانۆیێ‌(سەعید تەتەر) بۆ رۆژناما دەنگێ‌ لالش راگەهاند،هەر ژ سالا(2005)ێ‌ دەست ب كارێ‌ هۆنەری كریە و هەر د هەمان سال دا پشكداری د ئێكەم فلمی دا كر دگەل كۆما شنگال یا هۆنەرێ‌ شانۆیێ‌،دوی دەمی دا گەلەك ئاستەنگ د رێیا مە دا هەبوون لێ‌ هەر مە بەردەوامی دایە كارێ‌ خۆ،هەتا نهۆ پشكداری ل(10)كورتە فلمان و(12)شانۆگەریێن جۆرا و جۆر دا كریە،بتریا جاران ژی رۆلێ‌ سەرەكی د وان فلم و شانۆیان دا گێرایە و هەموو كارێن مەژی ب زمانێ‌ كوردی دهاتنە نمایشكرن وگۆت:(( هۆنەرێ‌ شنگال بنیاتێ‌ رەسەنێ‌ هۆنەرێ‌ كوردیە،لێ‌ نهۆ ژ هەموو لایان ڤە مەترسیەكا مەزن لسەر هەیە و بەرەف ناڤچۆنێ‌ دچت،داخوازێ‌ دكەین لقەكەكی سەندیكا هۆنەرمەندێن كوردستانێ‌ بۆ هۆنەرمەندێن شنگال بێتە ڤەكرن ئیرۆ ئەڤە داخوازیا هەر هۆنەرمەندەكی دەڤەرا شنگالێ‌ یە،دیسان ئەگەر پشتەڤانی بێتە كرن دێ‌ بتر هەول دەین بەردەوامیێ‌ بدەینە كارێن خۆ و ل پاشەرۆژێ‌ هندەك كارێن باش و پرۆفیشینال د بوارێ‌ هۆنەری دا بكەین ب تایبەت سینەمایێ‌)).

تەتەر ئەو چەندە ژی دیاركر،ئەكتەرێن تیپێ‌ ئاوارەنە و هەر ئێك ل جیەكی یە و شیانێن دارایی یێن تیپێ‌ ژی دكێمن،ژبەر وێ‌ یەكێ‌ كارێ‌ مە بەرەف لاوازیێ‌ دچت و بەردەوام هەول ددەین ب رێیا كارێن هۆنەری خەم و ئێش و ئازارێن خەلكێ‌ خۆ بگەهیننە جیێن پەیوەندیدار.

 

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.