تشرینی یه‌كه‌م 18, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئێزدی ب جلكێن فلكلۆری ناڤدارن

ئێزدی ب جلكێن فلكلۆری ناڤدارن
تۆرا لالش یا راگەهاندنێ‌
مللەتێ‌ ئێزدی ناڤدارە ب جلكێن خۆ یێن كەلتۆر و فلكلۆری یێن پیرۆز،باب و باپیران خوونا خۆ لسەر رژاندینە وخۆ كرینە جانگۆری بۆ پاراستنا ناما خۆ ل ناڤ جیهانێ‌ دا،ل ڤیستەڤال و ئاهەنگ و هەلكەفتان لسەر ئاستێ‌ جیهانێ‌ ئێزدی بڤان جلكان پشكدار دبن و پێ‌ هاتینە ناسین،دڤێت هەر كەسەك ژلایێ‌ خۆڤە جڤاكی هانبدەت داكو چ جاران ئەڤ كەلتۆر نەئێتە هنداكرن.

مجێور وخلمەتكارێ‌ مەزراگەهێ‌ چێل مێرا(دەخیل عەلی) بۆ رۆژناما دەنگێ‌ لالش دیاركر،جلكێن فلكلۆرێ‌ ئێزدیان دئێتە هژمارتن ئێك ژ رێورەسمێن مللەتێ‌ مە و پاراستنا وان دكەڤتە سەر رەوشەنبیر وخێزانا مرۆڤی،پێتڤیە لسەر خێزانێ‌ كچ وكور وزارۆكێن خۆ فێری حەژێكرنا جلكێن كەلتۆری بكن ودەست ژ كەلتۆرێ‌ باب وباپیرێن خۆ بەرنەدەن.
ژبال خۆ ڤە (نهلە حسێن) قوتابی ل كولێژا كارگێری وئابووری ل زانكۆیا دهۆكێ‌ بۆ رۆژناما دەنگێ‌ لالش راگەهاند،ل كولیژ وپەیمانگەها ب شێوەیەكی گشتی بكارئینانا جلكێن فلكلۆری یە كێمە لێ‌ ئەڤ نەبوویە وەكو ناڤبرەك كو ئەم بكاربینن ژ دەرڤەی زانكۆیێ‌،ل هەموو ئاهەنگ وجەژنێن ئێزدیان و ل سەیران وئاهەنگێن كولیژێ‌ جلكێن ئێزدیان بكاردئینم بسەر بلندی ڤە،دڤێت هەر كەسەك ژلایێ‌ خۆڤە جڤاكی هانبدەت داكو چ جاران ئەڤ كەلتۆر نەئێتە هنداكرن.

رۆژنامەڤان(لوقمان سلێمان)بۆ رۆژناما دەنگێ‌ لالش دبێژت:ل ناڤ جیهانێ‌ و پشتی ڤێ‌ پێشكەفتنا مەزن یا تەكنەلۆژی وبلەز ل هەموو بابەتان دا هەڤركیەك یا پەیدابووی دناڤبەرا دوو ئایدیولوژیا دا ، ئێك ژ وان ئایدیولوژیا دڤێَت ب هەموو هێزێت خۆڤە كەلتۆرێ‌ خۆ وجلكێن خۆ بپارێزن و ئایدولوژیا دی دڤێت ئەوی كەلتۆری و وان جلكێن باب و باپیران یێن خوونا خۆ لسەر رژاندین وخۆ كرینە جانگۆری بۆ پاراستنا ناما خۆ ل ناڤ جیهانێ‌ و گەلەك قۆناغا دا،مللەتێ‌ ئێزدی ئی ناڤدارە ب جلكێن خۆ یێن پیرۆز و ل درێژاهیا دیرۆكێ‌ تووشی گەلەك فەرمانێن رەش بووینە و ب هەزاران كچ وژن و زارۆك یێن هاتینە گرتن وجلكێن وان یێن هاتنە گهۆرین و هەردەم هەولددان كو ڤێ‌ ئۆلا كەڤن هندا بكن بەلێ‌ نكارین مەرەما خۆ بجی بینن.

چالاكڤانا كچ(نسرین شنگالی) بۆ رۆژناما دەنگێ‌ لالش گۆت:سەرەرای كارەسات وجینۆسایدێن بسەر مللەتێ‌ ئێزدی دا هاتی ل شنگالێ‌ ئاوارەبوون ودەربەدری و كۆچبەری و ئاكنجی بوونا وان ل ناڤ كەمپان دا،مللەتێ‌ ئێزدی كاریە پاراستنا جلكێن فلكلۆری و كەلتۆرێ‌ ئێزدی بكن ل هەر جیەكی لێ‌ بژین هەر ژ عێراقێ‌ وهەتا وەلاتێن ئەورۆپی و ئەمریكا وئوسترالیا،هەر مللەتەكی دڤێت ناسناما خۆ بۆ جیهانێ‌ دیار كت پێتڤیە كەلتۆر و فلكلۆرێ‌ خۆ بپارێزن،نهۆ ل وەلاتێ‌ ئەلمانیا ئەم جلكێن ئێزدیان بەردەوام بكاردئینن و ئەڤە بەری چەند رۆژانە ب جلكێن ئێزدیان پشكداری ڤیستەڤالەكێ‌ ل باژێرێ‌ بیلیفێلد ل وەلاتێ‌ ئەلمانیا بووین.

هەروەسا بەرپرسێ‌ تیپا گرعزێر یا هۆنەرێ‌ شانۆیێ‌(سالم حسێن) بۆ رۆژناما دەنگێ‌ لالش خویاكر،دڤیا مۆزخانەك هاتبا چێكرن ژ كەلوپەلێن دێرین و ژ جلكێن باب وباپیرا،ژبەر كەلتۆر ناسنامە وهەبوونا هەر مللەتەكی یە لێ‌ مخابن هاتیە پشتگوه هاڤێتن،ئەڤ پرۆژە چەند جاران مە ڤەدكر ل سمینارا ولسەر كەنالێن ئاسمانی لێ‌ مخابن كەسی خۆ لێ‌ نەدكر خودان،دەمێ‌ مە كارەكی هۆنەری چێدكر هەر تم مە هەولدا ئەم ناڤێن ئەكتەرا وزمانێ‌ پاقژ یێ‌ دەیكێ‌ بكاربینن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.