ماسنجه‌ر دێ ساخله‌ته‌كێ گرنگ زێده كه‌ت
گاڤ نيوز
كۆمپانيا مێتا یا خۆدانا فه‌يسبووكى راگه‌هاند كو ساخله‌ته‌كێ گرنگ بۆ پاراستنا تايبه‌تمه‌نديا بكارهينه‌ران د ئه‌پليكه‌يشنێ ماسنجه‌رى دا ل نزيك دێ به‌رده‌ست بيت.
ئاژانسان ژ كۆمپانيا مێتا ڤه‌گوهاستينه؛ ژ بۆ پاراستنا تايبه‌تمه‌نديا بكارهينه‌ران و دا كو ژبلى هه‌ردو كه‌سێن چه‌تى ل گه‌ل ئێكودو دكه‌ن، چ كه‌س و لايه‌نێن دى نامه‌يێن وان نه‌بينن، ساخله‌تێ كۆدكرنێ ژ لايه‌كێ بۆ لايێ دى End-To-End Encryption دێ ژ بۆ ماسنجه‌رێ فه‌يسبووكى د ده‌مه‌كێ نزيك دا هێته به‌رده‌ستكرن، پشتى دو حه‌فتيان تاقيكرن ل سه‌ر هاتينه كرن.
كۆمپانيێ ديار ژى كر؛ ئه‌ڤ ساخله‌ته دێ ب ئاوايه‌كێ ئوتوماتيكى د ماسنجه‌رێن بكارهينه‌ران دا هێته زێده‌كرن بێى ئه‌و ب خۆ زێده بكه‌ن.
ب به‌رده‌ستكرنا ڤێ تايبه‌تمه‌نديێ، دێ چه‌ت و دانوستاندنێن بكارهينه‌ران ب ته‌مامى د ئێمن بن و ژبلى هه‌ردو لايێن نامه‌ڤرێكه‌ر چ كه‌س و لايێن دى نه‌شێن دانوستاندنا وان ببينن.
مێتا ژ به‌رى نوكه راگه‌هاندبوو كو ساخله‌تێ End-To-End Encryption كو كورتيا وێ E2EE يه دێ ژ بۆ چه‌تێن ب كۆم و ژ بۆ په‌يوه‌نديێن تێله‌فۆنى ژى د ماسنجه‌رى دا هێته زێده‌كرن، لێ ئه‌ڤ چه‌نده دێ ل سالا 2023ێ بيت.
