تشرینی یه‌كه‌م 02, 2022

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئه‌پل خزمه‌تگۆزاريه‌كا گرنگ رادگه‌هينيت

ئه‌پل خزمه‌تگۆزاريه‌كا گرنگ رادگه‌هينيت

گاڤ نيوز

كۆمپانيا ئه‌پل ل به‌ره‌ سيسته‌مێ كاركرنێ يێ نوى يێ ئايفۆنان IOS 16 و سيسته‌مێMac OS Ventura يێ لاپتۆپێن Mac يێن كۆمپانيا ئه‌پل ل وه‌رزێ پاييزێ به‌رده‌ست بكه‌ت و دێ خزمه‌تگۆزاريه‌كا نوى ب پێكڤه‌گرێدانا هه‌ردو سيسته‌مان به‌رده‌ست كه‌ت.

كۆمپانيا ئه‌پل راگه‌هاند؛ ب رێكا خزمه‌تگۆزاريا نوى يا ب ناڤێ ’كونتينيوتى كاميرا’ د شيان دايه‌ كاميره‌يا موبايلا ئايفۆنێ وه‌ك كاميره‌يا ويب يا لاپتۆپێن Mac يێن ئه‌پل بهێته‌ بكارئينان.

ديار ژى كريه‌؛ ژ بۆ بكارئينانا ڤێ خزمه‌تگۆزاريێ، ئه‌پل دێ هه‌لگره‌كێ به‌رده‌ست كه‌ت كو موبايلێ ل سه‌ر شاشه‌يا لاپتۆپێ ماك جێگير بكه‌ت و خزمه‌تگۆزاريا كونتينيوتى كاميرا ل سه‌ر گه‌له‌ك ئه‌پليكه‌يشنان دێ هێته‌ بكارئينان.

بۆ نموونه‌، ئه‌گه‌ر بكارهينه‌رى چه‌ته‌كێ ڤيديۆيى ب رێكا ئه‌پليكه‌يشنێ فه‌يس تايم Face Time ل سه‌ر موبايلا ئايفۆنێ ده‌ستپێكربيت، ئه‌و دشێت بێى دانوستاندن بهێته‌ بڕين ل سه‌ر لاپتۆپێ Mac به‌رده‌واميێ ب چه‌تى بده‌ت.

خزمه‌تگۆزاريا كونتينيوتى كاميرا نه‌ ب تنێ دێ بيته‌ ئه‌گه‌رێ مفاوه‌رگرتنێ ژ كوالێتيا باش با كاميره‌يا موبايلێ ل سه‌ر لاپتۆپێن ماك د ده‌مێ چه‌تێن ڤيديۆيى دا، به‌لكو د شيان دايه‌ مفا ژ گه‌له‌ك خزمه‌تگۆزاريێن دى ب رێكا كاميره‌يێن جودا جودا يێن موبايلێ بهێته‌ وه‌رگرتن وه‌كى بكارئينانا عه‌ده‌سه‌يا به‌رفره‌هـ يا كاميره‌يێ د هنده‌ك ئه‌پليكه‌يشنان دا، تۆماركرنا ڤيديۆيان و بكارئينانا ئێفێكتا رۆناهيا ستوديۆيێ كو سه‌روچاڤێن بكارهينه‌رى زه‌لال دكه‌ت و پشت وى تاڕى دكه‌ت.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi