گۆگل بەرچاڤکەکا زمانوەرگێر رادگەهینیت
گاڤ نيوز
كۆمپانيا گۆگل يا ئه‌مريكى ته‌كنولوژيايه‌كا نوى بۆ ساناهيكرنا په‌يوه‌نديێ دناڤبه‌را مرۆڤان دا ئاشكرا كر.
تۆرا DW يا ئه‌لمانى به‌لاڤكريه؛ ئه‌و ته‌كنولوژيايه ژ به‌رچاڤكه‌كا زيره‌ك پێكدهێت كو كارێ وه‌رگێڕانا ئێكسه‌ر ژ زمانه‌كێ بۆ ئێكى دى دكه‌ت و تێكستێ وه‌رگێڕاى ئێكسه‌ر دكه‌ڤيته به‌رچاڤێ بكارهينه‌رێ به‌رچاڤكێ.
كۆمپانيا گۆگل يا خزمه‌تگۆزاريێن ئه‌نترنێتێ و ته‌كنولوژيايێ د كۆنفرانسێ پێشڤه‌به‌رێن گۆگل IO نموونه‌يا به‌رچاڤكه‌كێ وه‌ك تاقيكرن ئاشكرا كر كو دشێت وه‌رگێڕانێ ژ زمانه‌كێ بۆ ئێكێ دى ل ده‌مێ ئاخفتنێ ل گه‌ل كه‌سه‌كێ زمانه‌كێ دى دئاخڤيت، بكه‌ت و تێكستا وه‌رگێڕانێ بێخيته به‌ر چاڤێن بكارهينه‌رێ به‌رچاڤكێ.
ديار ژى كريه؛ گۆگل ناڤێ وه‌رگێڕانا تێكستێ يا ئێكسه‌ر ل سه‌ر ڤێ ته‌كنولوژيايێ دانايه.
گۆگل د كۆنفرانسى دا ئاماژه دا ته‌كنولوژيايه‌كا دى ژى و راگه‌هاند؛ د ده‌مه‌كێ كێم دا بكارهينه‌رێن ئه‌نترنێتێ ب رێكا ئاراسته‌كرنا كاميره‌يا موبايلێ بۆ تشته‌كێ دێ پێزانينان ل دۆر وى تشتى وه‌رگرن.
زێده ژى كريه: بۆ نموونه ده‌مێ بكارهينه‌ر به‌رێ كاميره‌يێ دده‌ته خوارنه‌كێ، دێ پێزانينان ل دۆر هه‌مى خوارنگه‌هێن باش ل جهێن نزيك بده‌ستڤه‌ئينيت.
