وه‌تسئه‌پى سێ تايبه‌تمه‌نديێن نوى بۆ بكارهينه‌رێن خۆ به‌رده‌ست كرن
گاڤ نيوز
سێ تايبه‌تمه‌نديێن نوى بۆ بكارهينه‌رێن وه‌تسئه‌پى ل سه‌ر موبايلێن ئه‌ندرۆيد و ئايفۆن هه‌روه‌سا ل سه‌ر كۆمپيۆته‌ران د نوكه دا ل به‌رده‌ستن و دانانا هێمايان ’ئمۆجى’ وه‌ك كه‌نى يان ڤيانێ يان لايكێ ل سه‌ر تێكستێن نامه‌يان ئێك ژ وان تايبه‌تمه‌نديايه.
كۆمپانيا ميتا خۆدانا ئه‌پليكه‌يشنێ وه‌تسئه‌پى راگه‌هاند؛ د نويترين ئه‌پدێتا پرۆگرامى ل سه‌ر ئاميره‌يێن جودا جودا دا، ريه‌كت و دانانا هێمايان وه‌ك كه‌نى يان ڤيانێ يان لايكێ ل سه‌ر تێكستێن نامه‌يان ئێك ژ وان تايبه‌تمه‌نديايه و دێ كار ل سه‌ر زێده‌كرنا هنده‌ك هێمايێن دى ژى هێته كرن.
ديار ژى كريه؛ تايبه‌تمه‌نديا دى پێكدهێت ژ زێده‌كرنا قه‌باره‌يێ فايلێن بكارهينه‌ر ب رێكا وه‌تسئه‌پى ڤرێدكه‌ت.
زێده ژى كريه: ژ به‌رى نوكه مه‌زنترين قه‌باره‌يێ فايلێن دهێنه ڤرێكرن 100 ميگابايت بوو لێ د نوكه دا بۆ دو گيگابايتان هاته زێده‌كرن.
ئاشكرا ژى كريه؛ تايبه‌تمه‌نديا دى ژى يا د نوكه دا هاتيه به‌رده‌ستكرن، زێده‌كرنا ژماره‌يا پشكدارايه د دانوستاندنێن ’چه‌ت’ يێ گرۆپان و كۆمان دا ژ 256 كه‌سان ژ بۆ 512 كه‌سان د ئێك گرۆپێ چه‌تى دا.
وه‌تسئه‌پ ژبلى زێده‌كرنا ڤان تايبه‌تمه‌نديان كار ل سه‌ر زێده‌كرنا ژماره‌يه‌كا تايبه‌تمه‌نديان بۆ پاشه‌رۆژێ دكه‌ت لێ تا نوكه به‌رده‌ست نه‌بووينه.
ئێك ژ وان تايبه‌تمه‌نديان ئه‌وه كو بكارهينه‌ر بشێت د ئێك ده‌م دا ل سه‌ر دو ئاميره‌يێن موبايلێ يێن ژێكجودا وه‌تسئه‌پێ خۆ بكاربينيت.
