ئه‌یلول 24, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

حسێن كۆرۆ:هەول دبەردەوامن بۆ رزگاركرنا گرتیێن ئێزدی

12784787_558896577604429_105481980_n

حسێن كۆرۆ:هەول دبەردەوامن بۆ رزگاركرنا گرتیێن ئێزدی

دەنگێ‌ لالش،خێرهات حەمۆ
بەرپرسێ‌ نڤیسینگەها كاروبارێن رەڤاندیێن ئێزدی ل پارێزگەها دهۆكێ‌ دیاركر،پتر ژ 3800گرتی هەتا نۆكە ماینە دبن دەستێ‌ تیرۆرستێن داعشێ‌ دا،ئەگەر دەولەمەندێن مە هاریكاربن دگەل نڤیسینگەهێ‌ دێ‌ كارین هندەك ژ وان رزگاربكەین.

حسێن كۆرۆ بۆ دەنگێ‌ لالش گۆت:”هەول و بزاڤێن مە بەردەوامن ژبۆ رزگاركرنا وان گرتیێن ماین د دەستێ‌ تیرۆرستێن داعشێ‌ دا،لێ‌ ل سەر وی كارێ‌ مە یێ‌ پیرۆزدا هندەك لایەن هەول ددەن كارێ‌ مە ژبۆ مەرەمێن خۆ یێن پارتایەتی و كەسایەتی ببن و بكاربینن،ب هیچ رەنگەكی رێ‌ نادەینە وان ڤێ‌ چەندێ‌ بكن،هەروەسا پتر ژ 3800كەسا ماینە دبن دەستێ‌ تیرۆرستێن داعشێ‌ دانە و ژمارەكا زۆر ژ زارۆكێن ئێزدیان وێ‌ ژلایێ‌ داعشێ‌ ڤە دئێنە مەشقدان دسەربازگەهێن تایبەت دا ل سەر كارێن تیرۆرستی وكچ ژی یێ‌ دناڤ زولمەكە رەشدا دژین و دەست درێژی ل وان دئێتە كرن،لەوا ئەم برێیا دەنگێ‌ لالش و هەموو جیهَن شۆلەژێ‌ دەنگێ‌ خۆ دگەهیننە هەموو جیهانێ‌ كو ب ئەركێ‌ خۆ یێ‌ مرۆڤایەتی رابن ودەستێ‌ خۆ بكەنە دەستێ‌ نڤیسینگەهێ‌ ژبۆ رزگاركرنا گرتیێن ماین،لێ‌ ب تنێ‌ ئەو جهێ‌ هاریكاریا مە كری نڤیسینگەها سەرۆكێ‌ حكوومەتا هەرێما كوردستانێ‌ یە،ئەگەر دەولەمەندێن مە ژی هاریكاربن دگەل نڤیسینگەهێ‌ دێ‌ كارین هندەك ژ وان گرتیان رزگاربكەین.

هەروەسا ئەو چەندە ژی ئاشكەراكر،چەندین جارا مە داخواز ژ حكوومەتا عێراقێ‌ كریە ب مخابنی ڤە ب هیچ شێوەیەكی هاریكاریا مە نەكرینە،جڤاكێ‌ نێڤ دەولەتی و ئەوروپا و ئەمریكا هەولنەداینە هاریكاریا مە بكت بۆ رزگاركرنا گرتییان،سەرەرای هندێ‌ ژی ب رێیا دەزگەهێن میدیایێ‌ مە چەندین جاران داخواز ژ وان كریە،دیسان هەر كەسەكێ‌ دەولەمەند ب ڤێت هاریكاریا مە بكت چ ئەو كەس ئێزدی یان نەئێزدی بت ئەم دێ‌ ب رێیێن یاسایی هاریكاریێن وان وەرگرین،ژبەركو هەرێما كوردستانێ‌ نۆكە دقەیرانەكا دارایی دایە.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.