پەرتووكخانا بنگەهێ لالش پتری 7هەزار پەرتووكان ب خۆڤە دگرت
تۆرا لالش یا راگەهاندنێ
پەرتوكخانا بنگەهێ لالش ل سالا 1993 دگەل ڤەكرنا بنگەهێ لالش هاتیە ڤەكرن،ئەڤ پەرتوكخانە هاتە دانان ل سەر بەشێ رەوشەنبیری، ژ وی وەختی وەرە دەست ب كۆمكرنا ئەرشیفی وپەرتووكان كر یێن سەر ب كەلتۆرێ كوردان ب گشتی و ب تایبەتی ئاینێ ئێزدیان،پتر ژ 7000 هەزار پەرتووكان ب خۆڤە دگرت،پتریا وان دابەش دبن ل سەر پەرتووكێن رەوشەنبیری و مێژوویی و ئەدەبی،دیسان پشكەك گەلەك گرنگ واهەی یێن گرێدای ئێزدیان ڤە چ باوەری و چ مێژوویی،كو ئەڤ پشك بایەخەكا گەلەك مەزن پێ دئێتە دانە،دهەمان وەخت دا پشكا كۆمكرنا رۆژناما و گۆڤارا و پۆستەرا ژی ب خۆ ڤە دگرت.
ئەیاد عەجاج،بەرپرسێ پەرتووكخانا بنگەهێ لالش ل دهۆكێ بۆ(تۆرا لالش یا راگەهاندنێ)گۆت:بنگه‌هێ لالش هەولدایە هندی پەرتووكەك ل دۆر ئێزدیان ل هەر جهەكی بت ئەم بینن و ل ڤێرێ بپارێزن،ڤێ پەرتووكخانێ رۆلەكێ باش دیتیە دكۆمكرنا پەرتووكان،سالانە ژمارەكا زۆر ژقوتابیێن پەیمانگەه و كولیژا سەرەدانێ دكن ب هەڤكاری دگەل پەرتووكخانا مە چەندین ڤەكۆلین و لێگەریانێن خۆ ل دۆر ئێزدیان چێدكن.
عەجاج ئەو چەندە ژی دیاركر،داخوازیا مە ئەوە هەر كەسەكی بڤێت و پێتڤی ڤەكۆلینەكێ بت ل دۆر مێژوو و ئاین و كەلتۆرێ ئێزدیان،دەرگەهێ پەرتووكخانێ ڤەكریە بۆ هەركەسەكی،هەروەسا هەرتشتەك دپەرتووكخانێ دا هەیە وەك كۆمپیۆتەر و كۆپیكرن و ئەنتەرنێت وهۆلەكا بەرفرەه و جهێ خووندنێ.
ناڤهاتی ئاشكەراكر،پەرتووكخانە پتر ژ 7000 هەزار پەرتووكان ب خۆڤە دگرت،پتریا وان دابەش دبن ل سەر پەرتووكێن رەوشەنبیری و مێژوویی و ئەدەبی،دیسان پشكەك گەلەك گرنگ واهەی یێن گرێدای ئێزدیان ڤە چ باوەری و چ مێژوویی،كو ئەڤ پشك بایەخەكا گەلەك مەزن پێ دئێتە دانە،دهەمان وەخت دا پشكا كۆمكرنا رۆژناما و گۆڤارا و پۆستەرا ژی بخۆ ڤە دگرت.
بەرپرسێ پەرتووكخانا بنگەهێ لالش دبێژت ژی داخوازا مە ژ ڤان جهەت و كەسێ گرێدایی نڤیسینێ و ئەدەبی هەیە،هەر ئێكی بكارت پشتەڤانیا پەرتووكخانا مە بكت وەك دیاریەك ژ پەرتووكێن خۆ بدەتە ڤێ پەرتووكخانێ ئەمێ سوپاسدارێ وی بنە،دا پتر ئەڤ پەرتووكخانە زەنگین تربت و خەلكێ مە مفای ژێ وەرگرت.
