يادا شۆڕەشا ئەیلولێ ل بنگەهێ لالش تایێ شێخان هاتە ل بیرئینان
تۆرا لالش:
ل ڕۆژا دووشەمبوويێ 11ى ئه‌يلولا 2023 و ل ژێر ناڤێ ( ڕولێ دەڤەرا شێخان د شۆڕەشا ئەیلولا پیرۆز دا) و ب هەلکەفتا بۆرینا ٦۲ سالان ل سەر شۆرەشا ئەیلولێ، بنگەهێ لالش تایێ شێخان ڕوونشتنەکا ڤەکری بۆ کادر و پێشمەرگە “پیر خەلیل سلێمان“ سازكر.
ب ئاماده‌بوونا “حه‌جی ئه‌حمه‌د” ڕێڤەبەرێ رێڤەبەریا ڕەوشەنبیری و هۆنەری ل شێخان و “محه‌مه‌د عارف” بەرپرسێ سەنتەرێ ڕەوشەنبیری ل شێخان و “ئه‌حمه‌د عبداللە سعدو”سەرپەرشتیارێ پەروەردا قەزا شێخان و ژمارەکا ڕەوشەنبیر و مامۆستایێن دەڤەرێ، کادر و پێشمەرگە پیر خەلیل سلێمان د ڤێ ڕوونشتنێ دا بەحسێ قارەمان و دستکەفتێن شۆرەشێ و گرنگیا هەبوونا وێ ژ بۆ پاراستنا مافێ مللەتێ کورد کر.
پاشان دەرگەهێ دانوستاندنێ هاتە ڤەکرن بۆ ئامادەبوویان و بەرسڤێن هەموو پرسیاران ب سنگەکی بەرفره‌هـ ژلایێ پیر خه‌لیل ڤە هاتنە دان.
ل داویێ ژ بەر کەد و خەبات و ڕولێ پێشمەرگەهێ ناڤهاتی یێ بەرچاڤ د شۆرەشێ دا ژ لایێ بنگەهێ لالش شێخان ڤە ڕێز لێ هاتەگرتن و هاتە خەلاتکرن ب درعەکی،ژ ئالیێ خۆ ڤە پيرى سوپاسیا بنگەهێ لالش تایێ شێخان کر ژبۆ ساخکرنا بیروەریێن نەتەوەی و ئاینی و ئەنجامدانا چالاکیێن جۆرا و جۆر.
