وه‌زاره‌تا كۆچ و كۆچبه‌رێن ئیراقێ: 179 ئاواره‌یێن ئێزدى ژ كه‌مپێن دهۆكێ ڤه‌گه‌ڕیانه شنگالێ
گاڤ
وه‌زاره‌تا كۆچ و كۆچبه‌رێن ئیراقێ ئه‌ڤرۆ ئه‌ینیێ راگه‌هاند، 179 ئاواره‌یێن دى یێن ئێزدى ژ كه‌مپێن پارێزگه‌ها دهۆكێ ڤه‌گه‌ڕیانه شنگالێ، وه‌زیرا كۆچبه‌ران ژى دبیژیت: دی هه‌مى ئاسانكارى بۆ ڤه‌گه‌ڕیانا ئاواره‌یان هێنه كرن.
ئیڤان فایق جابرۆ، وه‌زیرا كۆچ و كۆچبه‌رێن ئیراقێ ئه‌ڤرۆ ئه‌ینیێ 1-9-2023یێ راگه‌هاند، 179 ئاواره‌یێن دى یێن ئێزدى ژ كه‌مپێن سنۆرێ پارێزگه‌ها دهۆكی ڤه‌گه‌ڕیاینه شنگالێ و دیاردكه‌ت، ئه‌ڤ یه‌كه د چارچۆڤێ ڤه‌گه‌ڕیانا به‌رده‌واما ئاواره‌یان دایه.
هه‌روه‌سا ئاشكراكر، هه‌مى ئاسانكاریه‌ك بۆ ڤه‌گه‌ڕاندنا ئاواره‌یان بۆ ده‌ڤه‌رێن وان دێ هێنه كرن و ڤه‌گه‌ڕاندنا ئاواره‌یان ژى ب هه‌ڤكاریا هێزێن ئێمناهیا هه‌ر دو پارێزگه‌هێن دهۆك و نه‌ینه‌وایه.
