“292 ئاواره‌یێن ئێزدى ڤه‌گه‌ڕیانه‌ڤه بۆ شنگالێ”
گاڤ
وه‌زاره‌تا كۆچ و كۆچبه‌ران یا ئیراقێ راگه‌هاند كو 292 ئاواره‌یێن ئێزدى ڤه‌گه‌ڕیانه‌ڤه بۆ جهـ و وارێن خۆ ل شنگالێ.
وه‌زاره‌تێ د به‌یانه‌كێ دا ئه‌ڤرۆ ئه‌ینیێ دیاركر “292 ئاواره‌یێن ئێزدى یێن ل كه‌مپێن پارێزگه‌ها دهۆكێ ب حه‌زا خۆ ڤه‌گه‌ڕیانه‌ڤه بؤ جهێن خۆ یێن ره‌سه‌ن ل قه‌زایا شنگالێ ل پارێزگه‌ها نه‌ینه‌وا”.
ديار ژى كر؛ ئه‌ڤ ڤه‌گه‌ڕیانه د چارچووڤه‌یێ پلانێن وه‌زاره‌تێ دایه ژ بۆ ب دویماهیك ئینانا دوسیه‌یا ئاواره‌بوونێ ل وه‌لاتى ل گۆره‌ى به‌رنامه‌یێ حكومى.
زێده ژى كر: ئه‌ڤ ڤه‌گه‌ڕیانه ب هه‌ماهه‌نگى بوویه ل گه‌ل هێزێن ئه‌منى و حكومه‌تێن لوكال ل هه‌ردو پارێزگه‌هان بۆ گره‌نتیكرنا ڤه‌گه‌ڕیانا وان.
به‌یانێ خۆیا ژى كریه “تیمێن مه‌یدانى د تۆماركرنا وان خێزانێن دڤێن ب حه‌زا خۆ ڤه‌گه‌ڕن دا به‌رده‌وامن”.
