ئه‌یلول 22, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ڤیان دەخیل: به‌غدا پێگيرى ب  ڕێككه‌فتنا شنگالێ نه‌كريه‌ 

ڤیان دەخیل: به‌غدا پێگيرى ب  ڕێككه‌فتنا شنگالێ نه‌كريه‌ 

باسنيوز:

پشتى بۆرینا نەهـ سالان لسەر کارەساتا شنگالێ، خەلکێ شنگالێ عیراقێ بەرامبەر کەیسا وان کەمتەر خەم دبینن و دبێژن: عیراقێ خۆ ل شنگالێ نەکریە خۆدان.

ڤیان دەخیل، پەیڤدارا فراکسیونا پارتى دیموکراتى کوردستان ل پەرلەمانێ عیراقێ د داخویانیەکا تایبەت دا بۆ (باسنیوز) دیارکر: “عیراقێ هەر ژ دەستپێکا کارەساتا شنگالێ تا نۆکە هیچ هەلویستەک بەرامبەر کارەساتا شنگالێ نەبوویە، ئەو حکومەتێن ئێک ل دیڤ ئێکێ ل عیراقێ درۆستبوین، هیچ ژ وان حکومەتەکێ گرنگى ب کەیسا ئێزدیا نەدایە، ئەگەر عیراقێ گرنگى ب کەیسا ئێزدیا دابا، ئێزدى نەدگەهشتنە ڤێ قۆناغێ.”

دۆپات ژى کر: “کەیسا ئێزدیا کەیسا کوردستانێ یە، ئەڤە مەلەفێ کوردستانێ یە، خوینا مە ئێکە، ئەم خەلکێ کوردستانێ نە،وەک چەوا چەندین جاران سەرۆک بارزانى دگەل مەسرور بارزانى سەرۆکێ حکوومەتا هەرێما کوردستانێ دایە دیارکرن کۆ( خەما ئێزدیا خەما هەمى کوردستانێ یە) کەیسا شنگالێ وەک کەیسا ئەنفال و کیمیا بارانا هەلەبچە بۆ سەرۆک بارزانى و سەرۆکێ حکوومەتا هەرێما کوردستانێ گرنگە.”

نەڤەشارت ژى: “حکوومەتا هەرێما کوردستانێ هەمى پێنگاڤەک هاڤێتیە بۆ خۆشکرنا ژیانا ئێزدیا نمونەى ژى ئەنجامدانا رێکەفتنا هەولێر و بەغدا لدور شنگالێ، لێ مخابنى ڤە بەغدا پێگیرى ب وێ رێکەفتنێ نەکریە، بەغدا نەبوویە ئەگەر ژیانا ئێزدیا خۆش ببیت و نمونە ژى پێتڤى با عیراقێ کارکربا تا کۆ هێزێن بیانى ژ شنگالێ دەرکەڤن دا کۆ شنگال ئارام ببیت و خەلکێ شنگالێ پارێزڤانیێ ل شنگالێ بکەتن و مخابنى ڤە کارتێکرنا ناڤخوى یا عیراقێ و کارتێکرنا هەرێمى ل دەڤەرێ لسەر عیراقێ بوویە ئەگەر عیراق نەشیایە رێکەفتنا هەولێر و بەغدا لدور شنگالێ جێبەجێ بکەتن.”

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi