ستافێ ڕاگه‌هاندنا بنگه‌هێ لالش كۆمبوونه‌ك ل دۆر به‌رهه‌ڤيێن ڤيسته‌ڤالا لالش يا ڕه‌وشه‌نبيرى ئه‌نجامدا
تۆرا لالش/دهۆك
ب پشتەڤانیا راستەوخۆیا ڕێزدار مەسرور بارزانی سەرۆکێ حکومەتا هەرێما کوردستانێ،ڤيسته‌ڤالا لالش يا ڕه‌وشه‌نبيرى دێ ئێته گێران، بۆ ڤێ مه‌ره‌مێ ژى ستافێ ڕاگه‌هاندنا ده‌سته‌يا بلندا بنگه‌هێ لالش كۆمبوونه‌ك ل دۆر پێشڤه‌برنا ڕاگه‌هاندنا بنگه‌هى و چاوانيا ڕۆمالكرنا ڤيسته‌ڤالێ ئه‌نجامدا و چه‌ند بريار ژى ده‌ركرن.
ئيرۆ شه‌مبوويێ 1ى ته‌مووزا 2023ێ،ب ئاماده‌بوونا”كاروان باعه‌درى” به‌رپرسێ ڕاگه‌هاندنا بنگه‌هێ لالش دگه‌ل لژنا ڕاگه‌هاندنێ،كۆمبوونه‌ك دگه‌ل ستافێ ڕاگه‌هاندنا بنگه‌هى ئه‌نجامدان ل دۆر چاوانيا پتر پێشڤه‌برنا ڕاگه‌هاندنا بنگه‌هى و ب تايبه‌ت ڕۆمالكرنا ڤيسته‌ڤالا لالش يا ڕه‌وشه‌نبيرى كو ل ڕۆژا شه‌شى ڤێ مه‌هێ ل هۆلا كۆنفرانسان ل زانكۆيا دهۆكێ دێ ئێته گێڕان.
دكۆمبوونێ دا هه‌ر ئێك ژ “كاروان باعه‌درى” به‌رپرسێ ڕاگه‌هاندنا بنگه‌هێ لالش و لژنا ڕاگه‌هاندنێ،باس ل به‌رهه‌ڤيێن گێڕانا ڤيسته‌ڤالا لالش يا ڕه‌وشه‌نبيرى و خۆبه‌رهه‌ڤكرنا ستافێ ڕاگه‌هاندنێ بۆ ڕۆمالكرنا ڤيسته‌ڤالێ ب شێوه‌يه‌كى پرۆفيشينال كرن.
دلايه‌كێ دى يێ كۆمبوونێ دا ته‌كه‌ز ل ڕۆمالا ڤيسته‌ڤالا لالش هاته كرن ژلايێ ستافێ ڕاگه‌هاندنێ ڤه،بۆ هندێ ئێزديێن سه‌رانسه‌رى جيهانێ ب ڕێيا ڕاگه‌هاندنا لالش بينه‌ريا ڤيسته‌ڤالێ بكه‌ن و فلكلۆر و كه‌لتۆرێ ڕه‌سه‌نێ ئێزديان ببينن.
بۆ زانين ب پشتەڤانیا راستەوخۆیا ڕێزدار مەسرور بارزانی سەرۆکێ حکومەتا هەرێما کوردستانێ و ل ژێر ناڤێ (فولکلۆرێ مە ناڤ و نیشانێ ڕەسەنەتیا مەیە)،ڤیستەڤالا لالش یا رەوشەنبیری 2023 وێ ل ڕۆژا 2023/7/6 بێتە گێران ل هۆلا کۆنفەرانسان ل دهۆکێ.
