ڕێڤه‌به‌رێ ناحيا خانكێ:پێشنيار و بۆچوونێن وه‌لاتيان به‌رچاڤ دێ ئێنه وه‌رگرتن
تۆرا لالش: 
ل ناحيا خانكێ سميناره‌ك ل دۆر( خانکێ ژ کۆمەلگەھێ بەره‌ف ناحيبوونێ) هاته گێڕان و چه‌ند بۆچۆن و پێشنيار هاتن پێشكێشكرن.
بنگەھێ لالش تایێ خانکێ،ئیرۆ 28ى حوزه‌يرانا 2023،سميناره‌ك ل دۆر(خانکێ ژ کۆمەلگەھێ بەره‌ف ناحيبوونێ)بۆ بەرێز “زەردەشت شێخ شامۆ”ڕێڤەبەرێ ناحیێ گێڕا،ب ئامادەبوونا نوونەرێن دام و دەزگەھێن حکومی و حزبی و ژمارەکا ماموستا و ڕەوشەنبیرێن دەڤەرێ.
دسمينارێ دا زەردەشت شێخ شامۆ ڕێڤەبەرێ ناحیێ،ب دڕێژى باس ل قۆناغێن ناحيبوونا خانكێ كر و پرۆژه‌يێن جوداجودا يێن دڤى ماوه‌ى دا هاتينه ئه‌نجام دان.
پاشى ھزر و بۆچوون و پێشنیارێن ئامادبوویان ھاتنە وەرگرتن ژ لایێ رێڤەبەرێ ناحیێ ڤە بۆ بتر پێشكێشكرنا خزمه‌تگۆزاريان بۆ خه‌لكێ ناحيێ.
دلايه‌كێ دى يێ چالاكيێ دا دکتۆر “رێزان حسون گرۆ”ب ھەلکەفتا بده‌ستڤەئینانا ناما ماستەرێ ب پلا نایاب ل بەشێ نۆژداریا ددانا و مامۆستا طعه‌لی سلۆ قاسم”ب ھەلکەفتا بده‌ستڤەئینانا ناما ماستەرێ ب پلا نایاب ل بەشێ بایلۆجی ھاتنە خەلاتکرن ژلایێ بنگەھێ لالش ڤە.
