بنگه‌هێ لالش كۆمبوونا خۆ يا ئاسايى ئه‌نجام دا
تۆرا لالش/دهۆك
ئيرۆ شه‌مبوويێ 22نيسانا2023ێ،كۆمبوونا ئاسايى يا ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ،ب سه‌رۆكاتيا به‌رێز”سه‌عيد جردۆ”سەرۆكێ بنگەهێ لالش و ب ئامادەبوونا ئەندامێن دەستەیا بلند و بەرپرسێن تایێن بنگەهێ لالش ب رێڤه‌چۆ.
ل به‌راهيێ به‌رێز”سه‌عيد جردۆ”سەرۆكێ بنگەهێ لالش بناڤێ ده‌سته‌يا بلند و گشت تايى و نڤيسينگه‌هێن لالش،جه‌ژنا سه‌رساڵێ ل ته‌ڤاهيا ئێزديان پيرۆزكر وخواست هه‌ر ساڵ جه‌ژنێن خۆ ب خێر و خۆشى بكه‌ن.
دتەوەرەكی دی یێ كۆمبوونێ دا به‌حس ل ئاماده‌كاريێن سالڤه‌گه‌ڕا دامه‌زراندنا بنگه‌هێ لالش هاته كرن كو ل ڕۆژا 12/5/2023 دێ ئێته ساخكرن،هه‌روه‌سا دانوستاندن ل سه‌ر گێڕانا كۆنگره‌يێ بنگه‌هێ لالش تايێ شنگال و بنگه‌هێ لالش ئه‌لمانيا هاته كرن.
دپشكه‌كا دى يا كۆمبوونێ دا به‌حس ل كار و بزاڤ و چالاكيێن تايى و نڤيسينگه‌هێن لالش ئه‌نجام داين هاته كرن و ته‌كه‌ز ل سه‌ر به‌رده‌واميا بزاڤ و چالاكيان هاته كرن،بۆ خزمه‌تكرنا جڤاكێ ئێزدى.
