بنگەهێ لالش تايێ باعەدرێ پێشانگەهەکا پەرتۆکان ل دۆر کۆمکوژیا ئێزدیان ڤەکر
تۆرا لالش:
ب هەلکەفتا سالیدا رۆژنامەگەریا کوردی و دەرکەفتنا ئێکەم ڕۆژنامە بناڤێ (کوردستان) و ب مەرەما ئاشناکرنا خواندەڤان و نڤیسەران و خورتکرنا بزاڤا رەوشەنبیری و هزری ل دەڤەرێ،ئیرۆ رۆژا سێ شەمبوویێ رێکەفتی (18ی نیسانا 2023ێ) و ب ئامادەبوونا چاڤدێرێ پێشانگەهێ ڕێزدار (صالح حيدر) بەرپرسێ لقا 20 یا PDK و شاندێ دگەل دا و رێڤەبەرێ پەروەردا شێخان بەڕێز (فرج عثمان) و شاندێ دگەل دا و ڕێزدار (شمال محمد أديب)رێڤەبەرێ ناحیا باعەدرێ و بەرپرس و نوێنەر و فەرمانبەرێن دام و دەزگەهێن حزبی و حکومی و جەماوەری و جومگێن ب سەرڤە ل ناحیا باعەدرێ و مامۆستا و قوتابی و خەلکێ باعەدرێ.
بنگەهێ لالش تایێ باعەدرێ پێشانگەهەکا پەرتۆکان ل دۆر کۆمکوژیا ئێزدیان ل ئاڤاهییا ئامادەیا باعەدرێ یا تێکەل ڤەکر.
دڤێ پێشانگەهێ دا نێزیکی (250) ناڤ و نیشانێن پەرتۆکان یێن هەمەجۆر ل دۆر کاودانێن کۆمکوژیا ئێزدیان هاتن نمایشکرن و ژلایێ هەریەک ژ بەڕێزان (خلات باعەدری) بەرپرسێ بنگەهێ لالش باعەدرێ و (مەیسەر ئادانی) خودانێ زۆرینەیا پەرتۆکان ڤە رۆنکرن و شرۆڤە ل دۆر پێشانگەهێ و پەرتۆکا هاتنە کرن.
دڤێ پێشانگەهێ دا مێهڤانێن ئامادەبوویی ئاشنایی ژان و قەبارە و رێژا زۆرا پەرتۆکا بوون ل دۆر کۆمکوژیا ئێزدیان.
هەژی گوتنێ یە ئەنجامدانا چالاکیێن هەمەجۆر دبیاڤێن جودا جودا دا ژ پرەنسیپێن بنگەهێ لالش تایێ باعەدرێ یە پێخەمەت خزمەتکرنا خەلکی ل دەڤەرێ.
