شانده‌كێ ده‌سته‌يا بلندا بنگه‌هێ لالش سه‌ره‌دانا(بازارێ شەڤێن رەمەزانێ) كر
تۆرا لالش/دهۆك
شانده‌كێ ده‌سته‌يا بلندا بنگه‌هێ لالش يێ ڕەوشەنبیری و كۆمه‌ڵايه‌تى ب سه‌رۆكاتيا بەرێز سەعید جردۆ سەرۆکێ بنگەهێ لالش،ل ڕۆژا ئێك شەمبوويێ 9/4/2023،سەرەدانا (بازارێ شەڤێن رەمەزانێ) کر و ژلایێ بەرێز پ.د.خەیری عەلی ئوسۆ ڕێڤەبەرێ گشتی یێ گەشتوگۆزارێ ل پارێزگەها دهۆکێ و کارگێریا تێرمینالا دهۆک یا نێڤدەولەتی ڤە هاتنە پێشوازیکرن.
شاندێ بنگه‌هێ لالش گەریانه‌ك دناڤا بازارا شەڤێن رەمەزانێ دا كر،ژبۆ پشکداریا برایێن موسلمان ل شەڤبێریێن ڤێ هەیڤا موبارەك.
سه‌رۆكێ ده‌سته‌يا بلندا بنگه‌هێ لالش سوپاسيا ڕێڤەبەریا گەشتوگۆزارا دهۆکێ وئالیێن هاریکار دگەلدا كر ژبۆ ڕێکخستنا ڤی کارێ جوان وبالکێش و خواست هزرەکا ب ڤی ڕەنگی ژبۆ جەژنا جەمايێ يا ئێزدیان ژی بێتە کرن.
ئەڤ بازارە ل ژێر چاڤدێریا پ.د.عەلی تەتەر پارێزگارێ دهۆکێ، ژلایێ ڕێڤەبەریا گشتی یا گەشتوگۆزارێ ل پارێزگەها دهۆکێ ب هەماهەنگی دگەل تێرمینالا دهۆك یا نێڤ دەولەتی ل تێرمینالا ناڤهاتی ل تەناهیێ هاتیە ڤەکرن.
