شاندەكێ بنگەهێ لالش سەرەدانا پارێزگەها نەینەوا كر
تۆرا لالش/دهۆك
ئیرۆ چارشەمبوویێ،شاندەكێ بنگەهێ لالش ب سەرپەرشتيا بەرێز “فارس كتی”بەرپرسێ بەشێ پەیوەندیان ل بنگەهێ لالش ودگەلدا ئەندامێن دەستەیا بلندا بنگەهێ لالش هەر ئێك ژ “ئەسعەد رەشید” و “جمعە عبدیكۆ” و “دیارین خودێدا”،سەرەدانا پارێزگەها مووسلێ كرن و ژلایێ مافپەروەر”سیروان رۆژبەیانی”جێگرێ ئێكێ یێ پارێزگاری نەینەوا ڤە هاتنە پێشوازیكرن.
ل پێشیێ بەرێز فارس كتی بەرپرسێ بەشێ پەیوەندیان ل بنگەهێ لالش باس ل خورتكرنا پەیوەندیێن هەردوو لایان و كاركرن و ئەنجامدانا چالاكیێن هەڤپشك كر، هەر دیسان رۆناهی خستە سەر هاریكاریكرنا خەلكێ مە یێ شنگال دناڤا كەمپان و دەوروبەراندا.
ژلایێ خۆڤە جێگرێ پارێزگاری دووپاتی ل وێ چەندێ كر كو ل جەژنا سەرسالا ئێزدیان دێ دەستێ هاریكاریێ ب هەڤكاری دگەل بنگەهێ لالش درێژكەن.
هەر دچارچۆڤێ ڤێ سەرەدانێ دا شاندێ ناڤبری سەره‌دانا مافپەروەر “رفعت سمۆ” هاریكارێ كارگێری یێ پارێزگارێ نەینەوا ژی كر.
