ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

چوو راستی بۆ داخستنا كەمپێن ئاواران نینن

چوو راستی بۆ داخستنا كەمپێن ئاواران نینن
تۆرا لالش:
ماوەیەكە پرۆپاكندەیا وێ‌ چەندێ‌ دئێتە كرن كو كەمپێن ئاوارەیان ل سنوورێ‌ پارێزگەها دهۆكێ‌ دێ‌ ئێنە داخستن و خەلكێ‌ شنگالێ‌ ڤەگەرینە سەر جهـ و وارێن وان،هەڤدەم لیژنا سەرپەرشتا كەمپان دیار دكەت كو هیچ راستیەك بۆ ڤێ‌ چەندێ‌ نینە،كو كەمپە بێنە داخستن یان ژی هەر خزمەتگۆزاریەك بۆ ئاواران بێتە كێمكرن.
دڤی واری دا ئیدریس زۆزنی،سەرپەرشتێ‌ لیژنا تەڤایا كەمپان سەر ب لقێ‌ 17 یێ‌ پارتی ڤە بۆ دەنگێ‌ لالش خویاكر،بێگۆمان هەردەم لایەنێن نەشرعی دبنە ئەگەرێ‌ تێكڤەدانا ڕەوشا ئەمنی ل دەڤەرا شنگالێ‌ و دناڤا خەلكێ‌ مە یێ‌ دناڤا كەمپان دا ژی ئەو گرۆپێ‌ ژ لایەنێن نەشەرعی ڤە هاتینە ناڤا كەمپان دا شێوەكی ترسێ‌ ل جەم خەلكێ‌ دا مە پەیداكربوو،لێ‌ ب سوپاسی ڤە دەزگەهێن ئەمنی كارین وان كەسان دەستەسەربكەن ژبەر ڤێ‌ چەندێ‌ ژی مە وەك لیژنا سەرپەرشت یا كەمپان ب فەر زانی سەرەدانا تەڤایا كەمپان بكەین ژبۆ راست ڤەكرنا وان شاشیان و وان پرۆپاكندێن د دەرهەقێ‌ خەلكێ‌ مەدا هاتی كرن،من دڤێت دیار ژی بكەم كو هیچ راستیەك بۆ ڤێ‌ چەندێ‌ نینە كو كەمپە بێنە داخستن یان ژی هەر خزمەتگۆزاریەك ژ وان بێتە كێمكرن یان بڕین،ژبەركو مافێ‌ هەر تاكەكی شنگالێ‌ یە وەكی هەر خەلكەكی ڤی وەلاتی ب بەردەوامی ئەرزاقێ‌ خۆ وەرگرت.
زۆزانی گۆتژی خەلكێ‌ مە ب هیچ شێوەیەكی یێ‌ ئامادە نینە بزڤرتە شنگالێ‌ تا كو ئیدارا شەرعی نە زڤرتە شنگالێ‌ ڤە،هەر دیسان ئێمناهیا شنگالێ‌ ب دەردۆرڤە نەئێتە كرن و ژ لایەنێن نەشەرعی نەئێتە ڤالاكرن و خزمەتگۆزای و هەموو پێتڤیێن ژیانێ‌ ل شنگالێ‌ نەئێنە بەردەست كرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi