کۆنگرەییێ ڕۆژنامەڤانییێ بنگەهێ لالش دەربارەی کۆتا ئێزدیان
دهۆک- تۆڕا لالش یا ڕاگەهاندنێ
ئیرۆ شەمبوویێ(١٨ـی ئادار ٢٠٢٣ـێ) دکۆنگرەیەکی ڕۆژنامەڤانیدا ل بارەگایێ دەستەیا بلندا بنگەهێ لالش ل دهۆکێ ڕێزدار (سەعید جردۆ)، سەرۆکێ دەستەیێ داخواز ژ هەموو ئالیێن سیاسیی کر کو د یاسایا نووی یا هەلبژاتنان دا کوڕسیێن کۆتایێ ل گۆر ئیستحقاقا ئێزدیان ب وان بهێنەدان.
د کۆنگرەییدا، سەرۆکێ دەستەیا بلندا بنگەهێ لالش، ئاماژەدا، ئێزدی پێکهاتەیەکی سەرەکی و ڕەسەنن، هەبوونا وان د سازیا نیشتیمانی دا کو پەرلەمانە بەلکوو هێزەکە بۆ ڤێ سازیێ و نابیتە خالا لاواز و سەرفەرازیە ژی بۆ هەموو ئالییەکی، و سومعەیا سیاسییا هەرێما کوردستانێ دێ جوانتر دکەت ل ژ دەرڤە.
هەروەسان ڕێزدار (سەعید جردۆ) هیڤیخواست هەموو ئالیێن سیاسیی ب گیانەکی نیشتیمانی و ب ڕۆحییەتا هەڤدووقەبوولکرن و بەشداریا هەموو پێکهاتەیان د بریارێن نیشتیمانیدا تەماشەی ڤی بابەتی بکەن.
تُتاح هذه الصورة أيضا في: کوردی
