بنگەهێ لالش پشکداری د سمینارا چیرۆکا سەرکەفتنێ یا کچەکا ئێزدی دا کر
تۆرا لالش: صباح سمیر
ئیرۆ ڕۆژا چارشەمبوویێ رێکەفتی ٢٠٢٣/٣/١٥ ڕێزدار (سەعید جردۆ)، سەرۆکێ دەستەیا بلندا بنگەهێ لالش یێ ڕەوشەنبیری و کۆمەڵایەتی و بەرێز (خێری ابراهیم) ئەندامێ دەستەیا بلندا پشکداری د سمینارا چیرۆکێن سەرکەفتنێ یا کچەکا ئێزدی بناڤێ (شکریە خەلەف) ل زانکۆا ئەمریکی یا کوردستانێ ل دهۆکێ کر.
د سمینارێ دا کچا ناڤبری بەحسێ وان ئاستەنگیێن ژیانا خوە رەوشا خراب یا ئاوارەبونێ کر ئەوا تێدا دەرباس بووی و ل داویێ ژی دانووستاندنەکا ڤەکری هاتە کرن دناڤبەرا بەشداربوویان، پاشی سەرۆکێ زانکوا ناڤبری وەک پشتەڤانی بۆ کچا ئێزدی دەرفەتەکا خواندنێ یا کۆرسێ فێربوونا زمانێ ئینگلیزی وەک دیاری و پشتەڤانی ب شکریە هات دان کو بکارت زێدەتر داهێنانا بکەت ل پاشەرۆژێ.
