بنگه‌هێ لالش پيرۆزباهى ل به‌رپرسێ لقێ ئێك يێ پارتى كر
تۆرا لالش/دهۆك
ب مه‌ره‌ما پیرۆزباهیكرنا به‌رێز”عه‌لى عه‌ونى” ئه‌ندامێ كومیتا ناوه‌ندى یا پارتى و به‌رپرسێ لقێ ئێك،شانده‌كێ ده‌سته‌يا بلندا بنگه‌هێ لالش يێ ڕه‌وشه‌نبيرى و جڤاكى ل دهۆكێ سه‌ره‌دانا باره‌گایێ لقێ ئێك كر.
ئيرۆ دووشه‌مبوويێ 20ى شووباتا 2023،شانده‌كێ ده‌سته‌يا بلندا بنگه‌هێ لالش يێ ڕه‌وشه‌نبيرى و جڤاكى ب سه‌رۆكاتيا به‌رێز”سه‌عيد جردۆ” سه‌رۆكێ بنگه‌هى و ئه‌ندامێن ده‌سته‌يا بلند سه‌ره‌دانا باره‌گایێ لقێ ئێك يێ پارتى ديموكراتى كوردستان كرن و ژلايێ به‌رێز عه‌لى عه‌ونى ئه‌ندامێ كومیتا ناوه‌ندى یا پارتى و به‌رپرسێ لقێ ئێك ب گه‌رمى ڤه هاتنه پێشوازيكرن.
شاندێ بنگه‌هێ لالش پيرۆزباهى ل به‌رپرسێ لقێ ئێك كر ب هەلکەفتا وەرگرتنا بەرپرسیارەتیا لقێ و هيڤيا سه‌ركه‌فتێ بۆ خواست دكار و ئه‌ركێ وى يێ نوو دا.
