پەرستگەهەكا هەڤپشك د ناڤبەرا ئێزدی و مەسیحیان دا
ئه‌ڤرۆ نيوز:
ماموستا (ناسرچوكی) د دیدارەكێ دا بۆ روژناما ئەڤرۆ دیاركر، كو پەرستگەهەك دكەڤیتە گوندێ كەرسافە كو گوندەكە ژ گوندێن ئێزدیان و مێژوویا وێ ڤەدگەڕیتە حەفت سەد سالان بەری زانینێ دبێژنێ پەرستگەها (مەتا مێرا) كو ئێزدی ل ڤێ دەڤەرێ د ئاكنجیبوون، ئەڤ پەرستگەهە یا پاراستینە و ل سالا1900 برایێن مە یێن مەسیحی ژی ل ڤێ دەڤەری د ئاكنجیبووینە و هەتا نوكە شوونوارێن گۆڕێن مەسیحیان ل ڤێ دەڤەرێ هەنە، لەورا ئەم دشین بێژین پەرستگەهەكا هەڤپشكە د ناڤبەرا ئێزدی و مەسیحیان دا.
نافهاتی گۆت: پەرستگەه هێشتا یا سەردەمێ بەرێ یە و نەهاتیە نووژەنكرن، لەورا ئەم دبێژین مێژوویا وی ڤەدگەڕیتە سالا 1920 چنكو ئەو دیزانێن ل سەر ڤێ پەرستگەهێ هاتینە دورستكرن وەك خوە ماینە و یێن سەردەمێ میترا ئیانە و دیزانێن وێ ژ ناڤدا ب شێوازێ سێ كەوانا یە كو درێژاهیا وان نێزیكی سێ مەترانە و فرەهیا وان ژی نێزیكی سێ مەترانە، پەرستگەهـ ب خۆ ژ لایێ رۆژ هەلات و رۆژ ئاڤاڤە نێزیكی دەه مەترانە ل دووماهیا وێ ژی سێ شكەفت هەنە، ئەڤ چەندەژ ژی نیشانێن پەرستگەهێن میترائیانە و دخوازم رێڤەبەریا شوونواران خوە ل ڤی جهی بكەتە خودان.
