شوبات 01, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سوودانی پێشوازی ل میر حازم ته‌حسین به‌گ كر

سوودانی پێشوازی ل میر حازم ته‌حسین به‌گ كر
K24 – هه‌ولێر:

سه‌رۆك وه‌زیرانی عێراق محه‌ممه‌د شیاع سوودانی، پێشوازی له‌ میر حازم ته‌حسین به‌گ میری ئێزدیان له‌ عێراق و جیهان، كرد.

ئه‌مڕۆ (سێشه‌ممه‌ 24ـی كانوونی دووه‌م / یه‌نایه‌ری 2023)، نووسینگه‌ی راگه‌یاندنی سه‌رۆك وه‌زیرانی عێراق، راگه‌یه‌ندراوێكی بڵاوكردوه‌، تێیدا هاتووه‌: محه‌ممه‌د شیاع سوودانی سه‌رۆك وه‌زیرانی عێراق، پێشوازی له‌ میر حازم ته‌حسین به‌گ میری ئێزدیان له‌ عێراق و جیهان و شاندی یاوه‌ری كرد، كه ‌له ‌نوێنه‌رانی پێكهاته‌ی ئێزدی له‌ئه‌نجوومه‌نی نوێنه‌ران و ژماره‌یه‌ك له‌ زانایانی ئایینی و شێخ و ناودارانی ئێزدی پێكهاتبوون.

له‌ دیدارێكدا سوودانی رایگه‌یاند، شانازی و رێزێكی زۆری بۆ ئه‌م پێكهاته‌ قوربانیده‌ره‌ هه‌یه‌.

سوودانی روونیشیكرده‌وه‌، ‌ئاوه‌دانكردنه‌وه‌ی شنگال و ده‌شتی نه‌ینه‌وا له‌ ئامانجه‌كانی حكومه‌تی عێراقه‌.

ئه‌وه‌شی خسته‌ڕوو، ئاوه‌دانكردنه‌وه‌ و پێشكه‌شكردنی خزمه‌تگوزارییه‌كان، مه‌رجی سه‌قامگیربوونی ناوچه‌كه‌یه‌.

بۆ بڕیاری تاپۆكردنی موڵكه‌كان له‌ شنگال، میر حازم ته‌حسین به‌گ سوپاسی و پێزانینی په‌یڕه‌وانی ئایینی ئێزدی به‌ سه‌رۆكی ئه‌نجوومه‌نی وه‌زیرانی عێراق راگه‌یاند.

هه‌روه‌ها شانده‌كه‌ داوایان له‌ سوودانی كرد، سه‌ردانی شنگال و په‌رستگه‌ی لالش بكات، سوودانی به‌ڵێنیدا ئه‌م داواكارییه‌ له‌ كاتێكی نزیكدا جێبه‌جێ بكات.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi