كانونی دووه‌م 28, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگەهێ‌ لالش هژمارەكا ڕۆژنامەڤانان خەلاتكرن

بنگەهێ‌ لالش هژمارەكا ڕۆژنامەڤانان خەلاتكرن
تۆرا لالش/دهۆك
درێورەسمەكێ‌ دا ئەنجامێن بەریكانا ڕۆژنامەڤانی،یا راگەهاندنا دەستەیا بلندا بنگەهێ‌ لالش یێ‌ ڕەوشەنبیری و كۆمەڵایەتی ل دهۆكێ‌ هاتنە ڕاگەهاندن و هژمارەكا ڕۆژنامەڤانان هاتنە خەلاتكرن.

ل ڕۆژا 19/1/2023،ب ئامادەبوونا چەندین ڕەوشەنبیر و كەسایەتی و ڕۆژنامەڤانان،ڕێورەسمێن ڕاگەهاندنا ئەنجامێن بەریكانا ڕۆژنامەڤانی یا راگەهاندنا دەستەیا بلندا بنگەهێ‌ لالش یێ‌ ڕەوشەنبیری و كۆمەڵایەتی ل دهۆكێ‌ هاتنە ڕاگەهاندن،كو چەندین ڕاپۆرتێن گرێدایی ب ڕەوشا ئاوارەیان ل پارێزگەها دهۆكێ‌ دبوارێ‌ ڤێدیۆیێ‌ و نڤیسینێ‌ دا ژلایێ‌ پشكداران ڤە هاتبوونە بەرهەڤكرن.

ل دەستپێكێ‌ شەماڵ ئاكرەیی،ئەندامێ‌ لیژنەیا هەڵسەنگاندنێ‌ د رێوڕەسمان دا گۆت:23 راپۆرت بەشداربوون،10 راپۆرتێن نڤیسین و 13 راپۆرتێن ڤیدیۆیی،لدووڤ چەند پیڤەران كو ژلایێ‌ لیژنێ‌ ڤە هاتبوونە دانان خاڵ بۆ راپۆرتان هاتنە دانان.

سەعید جردۆ،سەرۆكێ‌ دەستەیا بلندا بنگەهێ‌ لالش دیاركر؛ئەو راپۆرتێن هاتینە بەرهەڤكرن ژلایێ‌ پشكداران ڤە ژلایێ‌ لیژنەیەكێ‌ ڤە و لدووڤ چەند مەرج و تایبەتمەندیان هاتینە هەلسەنگاندن.

لدوڤدا سەركەفتیێن بەریكانا ڕۆژنامەنیا بنگەهێ‌ لالش،هەر ئێك ژ ئەیوب نسری ونایف ڕەمەزان و باسم قاسم دبواریێ‌ ڤیدیۆیێ‌ دا و عەممار عەزیز و زیاب غانم و جەمیلا حازم و نەوزاد هلوری دبوارێ‌ نڤیسینێ‌ دا هاتنە خەلاتكرن.

بۆ زانین ئەڤ به‌ريكانه‌ دبتە وەرزێ‌ ئێكێ‌ یێ‌ بەریكانا ڕۆژنامەڤانی یا ڕاگەهاندنا دەستەیا بلندا بنگەهێ‌ لالش یێ‌ ڕەوشەنبیری و كۆمەڵایەتی دئێتە ئەنجامدان،بۆ وان ڕاپۆرتێن گرێدایی ڕەوشا ئاوارەیان ل پارێزگەها دهۆكێ‌.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi